Adam Kavela otaka pititha oalbuma ye ontiyali

0
383

ONGULA YA NETANGA –  Omumati gwoomvula dhopokati  Adam Kavela ngono a yambukile mOngula ya Netanga oha imbi omaimbilo gopambepo ngono a holola kutya okwa tamekele mo 2013.

Mu Aguste omumvo gwayi (2014) omo mono ali a pititha oalbuma ye yotango ndjono a holola kutya oyina omaimbilo omulongo,no hayi ithanwa  Natu djenimo muEgypt. Mo albuma ndjino yotango otamu adhika omaimbilo ngaashi Diminafaniipo lwo 77, Omwene holoka Efiku laxuunina oshowo wulwe.

“Onda tokola opo ndi ka pitithe oalbuma yandje ontiyali muAguste nuumvo,ndjino otayi ka kala yina omaimbilo geli omulongo,no tayi ithanwa Oshiwana sha kufwa pOmwene keliko. Otandi indile opo kehe ngoka ta ka pulakena oondjimbo ndhika opo edhi pulakene neitulemo ye a likolemo sha nokukuthamo etumwalaka lili ngaashi lili,elalakano lyandje opo ndi imbe oondjimbo onda mono kutya onda pumbwa ku uvitha elaka etoye ngame ndi gandje etumwalaka tashi pitile moondjimbo dhopambepo,” Kavela ta ti.

Otaka ulike oshitalenti noshipewa she momasiku ga2 ga Mai nuumvo sho taka ninga oshowu mono taka  imba dhimwe dhomoondjimbo dhe naashino otashi ka ningwa mOngwediva. Moshowu mono otaka imba omaimbilo gahamano gomoalbuma ndji ya pitile omvula yaziko nagahamano gaangoka ga tegelelwa ga ka pite muAguste nuumvo.

Kavela ota hiya aayimbi ayehe mboka haya imbi omaimbilo gopambepo opo ya imbe pamwe yo ya mange uukuni kumwe moku taandelitha ohapu yomwenyo tashi pitile moondjimbo dhopambepo. Tati inaya kala ya tila oku imba naya kambadhale yo taya imbi ngaashi aahikingalo aakwawo haya ningi.

Okwati otaku ka kala ethigathano lyaa imbi yoondjimbo dhopambepo nuumvo ndhono tadhi ka ningilwa pongeleka ya Jesus Reign mOngwediva,tati aayimbi otaya kaya methigathano po tapu talika omwiimbi kamana no ta ki isandanena sha she mwene. Ta gwedhapo kutya elalakano lyaashino okugandja owala etumwalaka moshigwana opo kehe ngoka ena omakutsi gokupulakena uuveko,ye a kale popepi naKalunga.

“ Oshigwana shetu unene epipi egundjuka olyi iteyelwa komutondi satana nolundji ihatu holokawe poohapu dhaKalunga unene pomalongeloKalunga otwi ininga owala yomuuyuni, tse tatu dhimbwa kutya yuuyuni kayina shilonga otayi hulupo,onkee onda tokola ndi uvithile aashitwa aakwetu uuwanawa nohenda yaKalunga  yo ya pulakene etumwalaka lyombili ndyoka tali adhika moondjimbo dhandje,” Kavela ta gwedhapo.

Kuuyelele wa gwedhwapo oshowo ngoka to ka pumbwa uuyelele kombinga yethigathano lyaayimbi yomaimbilo gopambepo oshowo kehe shimwe sha pamba oondjimbo oto vulu wu kwatathane na Kavela yemwene.

LEAVE A REPLY

Please enter your comment!
Please enter your name here