Edhipago li nyanyalitha lya halutha aaKahao

0
523

ONGWEDIVA-“A pondwa, a tsuwa a hahalwa, a yahwa, a tetwa omutse…,” Ndhoka odho omikalo dha holoka miikundaneki yomoshilongo okuholola omikalo dha longithwa sho aakiintu ye vule ya hamano ya kanitha oomwenyo kiikaha yaaholike yawo omasiku ga piti po.

Limwe lyomomaso ngaka oondyoka lya halutha aakalimo yomoshikandjohogololo Okahao, sho omukiintu gumwe omugundjuka a kanitha omwenyo gwe meso lyedhipago tali uvitha nayi.

Okuza tuu omwedhi gwaziko  konyala iiningwanima ine oya lopotelwa opolisi moshitopolwa Omusati amuke,naakalimo yomoshitopolwa shika oye na omaipulo ogendji kombinga yiiningwanima mbika.

Iiningwanima yomadhipago itatu yi kenyeneka noshowo iiwinayi  oya lopotwa ya ningwa moshikandjohogololo Okahao amuke omwedhi gwayi.

Moshitopolwa Oshana iiningwanima iyali yomadhipago gaakiintu kaaholike yawo oya li ya lopotelwa opolisi moshitopolwa shoka sho aanambelewa yaali yopolisi  ya yaha aakulukadhi yawo okusa.

Oshiningwanima sha hugunina ooshoka sha ningilwa omukiintu gwomimvo 24 ngoka a li a tsuwa  nomwele sigo omeso mesiku lyotango lyApilili sigo ota si. Nakudhipaga nguka oye kwali omulumentu gwomukiintu ngoka. Omunamimvo 36 okwa tsu omukiintu gwe ngoka noshinima sha honga. Oshiningwanima shika osha ningilwa momukunda Esisili moshikandjohogoloo Okahao potundi onti 22h00 yuusiku.

Opolisi oya hokolola kutya omukiintu nguka okwa li ena iishaho oyindji omolwa okutsuwa hoka iikando oyindji, shoka shika osho sha fala sigo omeso lye.Naku mu tsa okwa ende ookilo konyala dhili ntano okuza poshiningwanima nokwiimangeleke nomiya dhoongaku dhe.

‘Osheeti shoontamanana katu shishi natango. Aakalimo oyetu hokololele kutya yo oya uvu omukiintu ta kugu ye ta igidha  ndele konima okwa ka adhika asa.” Pahapu dhomupopiliko gwopolisi mOmusati,Shisande  Hiskiel Hamalwa.

Mbaka oya thigako omunona omumati ena oomvula ntano.

Okuuka pehulilo lyomwedhi gwayi Omulongisikola pOmuthituweelo Combined School mOutapi, Maria Nangula Shikongo (50) okwa dhipagelwe kukuume ke gwonale omunamimvo 39 Ruben Nailenge Endjala konima sho ekwatathano lyawo lyopahole lya hululupo.

LEAVE A REPLY

Please enter your comment!
Please enter your name here