Mbidi okuli koshigongi shaCAF koCairo

0
235

OUTJO – Omuperesidende gwOlutu Oluwiliki lwetanga lyookompadhi moNamibia[NFA] Omusamane , Frans Mbidi okuli mo Kairo sha Egipiti okukala moshigongi 37 shokuhogolola ongundupitithi yoCAF.

Mbidi, ota ende pamwe nomupeviperesidende gwotango gwo NFA ,Naftal Ngalangi oshowo Amushangandjayi, Barry Rukoro. Mbaka oya waimine aakwashigongi omathele yaza miilyolongo yenenevi ndika okukala moshigongi shika moka tamu ka hogolola Ongundupitithi ompe yOlutu oluwiliki lwetanga lyokoompadhi menenevi Afrika nenge CAF.

Iilyo iikalelipo iipe ya CAF otayi ka hogololwa woo pethimbo lyoshigongi shomahogololo shoka. Moshigongi muka otamu kala wo Omuperesidende gwOlutu Oluwiliki lwetanga ylokompadha mUuyuni [FIFA]omusamane Sepp Blatter.

Rukoro okwa popi kombinga yoshigongi shika omanga ye nOmuperesidende inaa ya ya mela lyondjila Osoondaha ya yi , a ti okuhogolola oshowo okushunamo iilyo mewilikongundupitithi oshinima sha simana molwashoka ndika otali ka ulika ondjila ndjoka uudhano wetanga lyokoompadhi muAfrika wu na okuenda. Unene tuu moku adha omalalakano ge geyokomeho muudhano mbuka.

CAF okwa ulike kutya ota yambidhidha onkambadhala ya Blatter okushuna mewiliko lyo FIFA oshikako oshititano. Oshigongi shokuhogolola ewiliko epe lya FIFA oshiliko momasiku 29 Mai nuumvo mo Zurich sha Switzerland.

Okwa tseyithwa kuyele kutya ongundu yokuwilika omahogololo ya FIFA  oya koleke kutya Blatter ota ka kondjithwa kaa ulikwahogololwa muuperesidende wolutu nduka yeli yatatu. Yo mbaka oyo Omunagwokombanda  Ali Bin Al-Hussein gwa Jordan, Michael van Praag gwokoHolland oshowo omudhanitanga omunedhina moPutu, Luis Figo yo mbaka kumwe yeli yane oyo ya ziminwa ongo ookandidate mokati kaamboka tamu hogololwa omuperesidende.

LEAVE A REPLY

Please enter your comment!
Please enter your name here