Osipana yOmusati oya sindana nando oya li moluhepo

0
209

OUTAPI-Osipana yaamati yeli kohi yomimvo 20  yoshitopolwa Omusati ndjoka yaningi ondjokonona okusindanapo ekopi lyoshifonkundana sho The Namibian oya li ye shiningi yeli monkayi oshoka kayali yena ngoka ali eya yambidhidha Shipena Nakalondo tati.

“Aantu oyendji opo taya dhengaa dhenga oongodhi sho yamono kutya aamati ya ningi omanyakwa omanga yali yetu ethelepo sho twali kolugodhi’ Shipena tapopi neyeme”.

Shipena ngoka eli omudheuli gosipana yOmusati okwa ti kayali nando ya pewa eyambidhidho lyasha okuzilila koshitoplwa shawo, nosipana oyali yathigwa miikaha yomudheuli nokamwaalu okashona hoka kali kathindikile osipana moka olwindji yali ya longitha oonzo dhawo yene okukwathela osipana.

Okwa ti  oya li ya longitha iiyenditho yawo okuhumbata aadhani nokuya moondjato dhawo okukandulapo oompumbwe dhosipana mpaka naampeyaka.

Shipena ota indile ewiliko lyoshitopolwa shaMusati opo li tameke okukwathela miikwamaudhano moshitopolwa, tati iitalenti omo yili moshitopolwa ashike pwaana eyambidhidho uudhano otawu ka nana nondatu.

Ota indile wo aanangeshefa moshitopolwa shaMusati nomoshilongo ashihe opo ya tule oshimaliwa momaudhano opo ku yambulwepo iikwamaudhano moNamibia.

Shipena okwati esindano lyekopi ndika olya pitila meyulu lyonane, ashike aamati oyali ya gandja elongelokumwe nokuulika onyati oku adha esindano nando shili oyali moluhepo.

Ota gandja olupandu kaavali naatekuli yuunona mbuka tati oyo yeli esipa lyombunda mesindano ndika sho yali ya pitike aanona yawo mboka taya ilongekidhile omakonaakono opo ya ka kuthombinga muudhano woThe Namibian Cup.

Ota gandja ombili kaakalimo yomOmusati sho inaya ninga omatyapulo noku ulika ekopi oshoka aamati oyali yashunithwa koosikola mbala opo ya ka tameke nomakonaakono.

Tati ina, ya tila oshoka ngele omakonaakono oga pu otaya ka ninga oshiindingili oshinene mOmusati.

LEAVE A REPLY

Please enter your comment!
Please enter your name here