OvaSan novaHimba va didilika efimano lomifyuululwakalo davo

0
288

ONGWEDIVA  -Ovaholi vomifyuululwakalo vaniingholi vomihoko da kala konima meputuko, ova  pandula omhito ye shakeno loule woshivike navakwa vomihoko yayooloka. Medeulo loule woshivike  Annual Tourism Exchange, ova mona omhito yokudidilika kefimano la ihapu momifyuululwakalo davo. Ovashiivi vomifyuullwakalo ova holola oushitwe nonghalo momidingonoko omoveli ,omikalo tadi dulu kupita mo fiyo opondje yoshilongo. Okupitila mepukululo loule woshivike omo vadja va mona kutya nani ova shake na moipambele yomufyuululwakalo ihapu tai dulu okunana ovatalelipo ve uye keenhele davo.

Rabbi Maici, omukwateli komesho woJu/Hoansi Living Hunters koTsumkwe, meenghundafana noshifo Kundanaokwa hokolola kutya, ovatalelipo have ya konhele yavo vahapu ovadja pondje yoshilongo, ova  hala ku shiiva nghee ovakali mo mudingonoko va kala nokuxupa fimbo exumokomesho inali ya. Ovatalelipo luhapu ohava pula va kale noku landula onghalo yovaKwanghala opo velihonge omikalo davo.

Tungee Raphael, adja ko Motjikutu kEpupa moshitukulwa shaKunene ota ti,  omutungilo woushitwe womudingonoko wavo nomifyuululwakalo yovaHimba,  oya nana vahapu vokoilongo nomomudingoko ve uye ponhele yavo.

Ongudu yovauliki voikwashiwana momihoko edi,oya tofwamo koNamibia tourism Board yadja momuhoko wovaKwanghala moshitukulwa shaOtjozondjupa novaHimba moshitukulwa shaKunene. Ava ova hoololwamo owina va kufe ombinga meeprojeka doipambele yomifyuululwakalo tadi longo mekwatafano noshitukulwa shoutalelipo nova pumbwa okupukululwa nghee tava ka longa  noku li shiivifa kovatalelipo. Paife otava twikile kutula moilonga omauyelele nomikalo vapaafana pefimbo leshakeno loule woshivike no tava kwatakanifwa nomihoko ikwao ya kala konima pondje yoshiongo ngashi moSouth Africa.

 

LEAVE A REPLY

Please enter your comment!
Please enter your name here