Utoni aninga elenga Komutoolinghundana

0
277

ONGWEDIVA –Omupopindjovo welelo lodoolopa yaNgwediva Andreas Utoni a nangekwa a ninge elenga lOshiku-Shomututu omukunda u li oshinano sheekilometa 15 okudja mOshakati, moshikandjohoololo shaEtayi.

Enangeko la ningwaOlomakaya a djako eshi , Utonio aya ponhele ya nakufya Tobias Reinhold oo a xulifa oweenda waye omudo 2012.

Elenga lakula loshitukulwa shUukwambi, Herman Ipumbu ole ya oku mu nangeka pamwe nosheendo shomalenga a dja komikunda da yooloka ngaashi kOneeya, Olupembana, Oshikuku.Ipumbu okwa kumaida Utoni a lele oshiwana shomOshiku- Shomututu pamukalo muwa nokuluufa keeveta domifyuululwakalo . Ta wedapo kutya, Edina la Utoni ola ninga efimbo la yandjwa kelelo pa pita eedula mbali kutya otaka lengwa moshitukulwa ,nelalakano okuuda ngee opena ou itatu kumwe nefaneko, opo a holole eliudo laye. Oule wefimbo alishe olo elelo inali yakula etumwalaka la sha, noshayandja omukumo opo efaneko li ye komesho nefaneko le nangeko la Utoni.

Moshipopiwa shetambuleko loshilonga shipe, Utoni okwa holola nghee taka yakula oshiwana nehafo, ta yakula aveshe shifike pamwe, noku yandja eyakulo lohole nolombili.  Ta wedapo kutya,  nande  a kala omunailonga melelo lodoolopa yaNgwediva, okwa tokola e uye koshiwana osho ta yakula.

Pomhito yenangeko Utoni okwapewa omambo ngaashi; lefinamango loshilongo,  embolefinamango lopamufyuululwakalo,  okambo kokushanga, ohema yopamufyuululwakalo nembale lin’ohala. Poshivilo shenangeko opa li yoo kansela woshikandjohoololo shaEtayi omo muna omukunda Oshiku-Shomututu, Bernaditus Shekutaamba.

LEAVE A REPLY

Please enter your comment!
Please enter your name here