Uudhano wokomumvo moRuacana wa enda nawa

0
293

RUACANA-Uudhano wokomumvo welelo lyodoolopa yaRuacana mboka wali wa nana oyendji mboka yali ya talelepo oondoolopa yomapashiwaneno pethimbo lyiituthi yaPaasa  owa endelele nawa.

Uudhano mboka wa totelwe mo 2012 owa li wa nana oosipana odhindji okuza kiitopolwa yokoNooli ehuliloshiwike lyaziko sho oyendji yali yaka yunga oontanda kondoolopa ndjoka yatula ombunda momulonga gwa Cunene.

Osipana yetanga lyokoompadhi yelelo lyodoolopa yaRuacan oya ningi haluni nopeumba sho yali ya kaleke ekopi megumbo muudhano mboka ngashingeyi wuna omaudhano ga yooloka nando petameko owa li wa totwapo ashike nomaludhi gaali gomaudhano.

Udhano mbuka owali wa etelela omaudhano ngaashi,ateletika 100m, okatanga komokambamba, etanga lyokomake , Basketball, no Pool Table.

Muudhano wo ateletika 100m woomeme yoshiviha sho 44-55 KG

Wilhelmine Edmund gwo kEenhana VTC, oye enyakwa nokwa sindana ombandi yoshingoli ndjoka ya endele pamwe nokapandi ko N$ 250.00

Omanga muudhano wootate wo 100m Ndengu Leonard gwokEenhana VTC, naye okwe ya omutango moka a toolapo ombandi yoshingoli nokapandi koN$ 250.00

Mokatanga kokoompadhi Ruacana Town Council oye enyakwa noyali ya toolapo ekopi noombandi dhoshingoli opamwe nokapandi ko N$ 4 000.00 Omuulukila United oye ya pehala etiyali moka yali ya yi noombandi dhoshisiliveli nokapandi koN$ 2 000.00 Eenhana VTC pehala etitatu nokapandi ko N$ 1 000.

Mokatanga koomeme United Girls oye enyakwa lyuudhano wokoompadhi Oombandi dhoshingoli no N$ 1 500, Eenhana VTC oye ya pehala etiyali moka nayo yali ya toolapo oombandi dhoshisiliveli, omanga Ruacana Town Council eya pehala etitatu noku toolapo oombandi dhoshikushu.

Ongwediva MediPark oyo enyakwa lyuudhano wokatanga komokambamba noyali ya toolapo oombandi dhoshingoli nokapandi koodola N$ 2000, omanga osipana yo Tropical Heat yali yeya pehala etiyali moka yali ya toolapo oombandi dhoshisiliveli no N$ 1000 .

Uudhano mbuka owali wa pewa eyambidhidho koongesefa tadhi ya NORED Electricity,Media Solutions,OB Davids,Majaju Guest House, Palow Management and Consulting, Artee Engineering Consult,Knight Piesold,Gwetu Investments,

LEAVE A REPLY

Please enter your comment!
Please enter your name here