Aahikingalo oyendji otaa kiimba poNAMA 2015

0
288

WINDHOEK-Aalongekidhi yoshiithanene shegandjo lyomapole kaahikangalo aaNamibia okupitila mehangano lyo Namibian Annual Music Awards oya koleke kutya omalongekidho oga pwa, okuninga egandjo lyomapapa ngaka oshikando oshititano nuumvo.

Aahikingalo mboka ya tegelelwa oku ka kondjela omapapa moongundu nomomifango dhayooloka dhomusiki oya ulikwa nale. Onkene aalongekidhi yoshiithanene shika oya itaala kutya elongekidho etitano okuza tuu nkene egandjo lyomapapa ndika lya tamekelwe otali ka kala ewanawa no itaali yelekwa nasha.

Aakali poshiithanene shika oya tegelela oku ka nyanyudhwa kaahikingalo  yeli ayehe kumwe 32, mboka taya ka imba iiyimbo yawo komeho gaatali mbaka mesiku 1 lya Mai oshowo mesiku 2 lya Mai..Metitano omapapa otaga ka pewa Oshikondo shomusika. Omanga mOlyomakaya aahikingalo ayehe  mboka ya tothwamo otaya ka pewa omapapa gawo ngaashi ye shil ilongela. Onkundana ombwanawa oondjika kutya egandjo lyiishani ndika otali ka ulikwa koTiivii ya NBC pethimbo ndjika tayi tumu  omawi mombepo. Oshikwawo mboka itaa ya vulu okutala kotiivii otaya vulu okulandula oshiindingili shika okupitila mointernet.

Metitano sho omapapa taga pewa Oshikondo shomusiki, aahikingalo 12 otaya ka imba ethimbo ndyoka.Omanga omapapa omulongo 18 otaga ka pewa ooyene.Olyomakaya otayi kakala oyo esiku enene moshikondo shomusiki  sho aahikingalo ayehe kumwe omilongo 20 taya ka hika iiyimbo yawo komeho gaatali naakali poshiithanene shoka. Omapapa omilongo 20 otaga ka pewa ooyene yago.

Otwa nyanyukwa noonkondo kombinga yokuimba, unene tuu sho aahikingalo yamwe opo taya ka ulika owino nontseyo yawo yokuimba lwotango komeho goshigwana. Mboka opo taya imbi lwotango oya kwatelamo ngaashi Lonette, KK, Kalux na Blacksheep. Yalwe oya kwatelamo Lil D, The Dotcomz, Elize, Black Vulcanite, Bullet Ya Kaoko, Stardust na Sean Naude.

Okwa tegelelwa wo iiningwanima mbyoka inaa yi longekidhwa oshowo aahikingalo ya ithanenwa owina oku imba  mokati kaambaka omwa kwatelwa aakiintu aamwayinathana mboka yi ikongela edhina mokuhika oongalo uuyuni auhe. Yo mbaka oyo Nianell na Riana Nell.

Aahikingalo ayehe mboka taya ka holoka  poNAMA 2015 ongaashi taya landula melandulathano

Araffath, Black Vulcanite, Blacksheep, Blossom, Bullet Ya Kaoko, D-Naff Feat Tequila & V-Lo, Diop, Dixon, Donsy & Daisy, Elize, Exit, Female Donkey, Gazza + Lady May Feat Keko, Gazza Feat Uhuru, Kalux, Kk, Lil D, Lize Ehlers, Lonette, Mr Makoya, Nia, Nianell, Oteya, Pdk, Riana Nel, Sean Naude, Setson, Stardust, The Dotcomz, Twazis, Waya Waya na Special Surprise Performance

NAMAs okuliko okuza mesiku 1 sigo  2 Mai nuumvo pendiki lyoOmaudhano gomeni poSwakopmundu.Uutekete woposheelo ooN$500 kaasimanekwa oshowo ooN$250 komuntu kehe.Uutekete otau adhika poComputicket oshilongo ashihe  oto vulu wo oku wu landa okupitila moInternet.

MTC oye omukwashilipaleki gwoshiithanene shomapapa ngaka omanga NBC oye taka tuma omawi mombepo pethimbo  oshinima tashi ningwa.

Oshiithanene otashi ningilwa moSwakopmund nuumvo.

 

LEAVE A REPLY

Please enter your comment!
Please enter your name here