Eilongekido lomaulikilo oipindi kOndjiva metifa

0
220

OSHIKANGO–  Omunashipundi wehangano lovanangeshefa hano o Namibia Chamber of Commerce and Industry (NCCI) kodoolopa yaHelao moshitukulwa shaHangwena, okwa pula  ovanangeshefa ovaNamibia ava va hala ku kufa ombinga komaulikilo oipindi okOndjiva 2015 va tameke kuli shangifa.

Frieda Shikangala, okwa shakeneka ovanangeshefa poshoongalele shali mOshikango oshivike shadjako omo va kundafana elandulafano lomaulikilo oipindi haakalako muJuli keshe odula kOndjiva shaAngola. Ovashingifi ovaNamibia vahapu, ove hole ko onghee ova ongala manga kuna efimbo.

Opo va dule kufikifa diva  omadina ovakufimbinga kombelelwa yomukaleliposhilongo waAngola kOndjiva nokehangano lovanangeshefa ovaAngola momwedi tau ya, Shikangala okwa hala ovanangeshefa ovaNamibia tava ka kufa ombinga neudo va tameke kuli shangifila mombelewa yaye manga omafiku Mai,15, 2015 inaa pita. Ta yelifa kutya, konima yefiku Mai 15, 2015 kapena ou taka shangwa, onghee ovanangeshefa nave li shangife diva.

Ovanangeshefa vaAngola novaNamibia va li moshoongalele ova pula pa tulwe omukalo wa yela wefutifo loinima tai tauluka eengaba tai ka landifwa pondje, molwashi kapena omulandu wayela mofuto yo ilandifomwa ha ika landifwa kOndjiva. Oshoongalele osha tonga ovanambelewa vamwe hava pula ofuto yopomunghulo kovauliki voipindi opo ve va efe va pite peengaba.

LEAVE A REPLY

Please enter your comment!
Please enter your name here