MOngwediva mwa kwatwa oimuna tai endaenda modoolopa

0
255

ONGWEDIVA – Nonande elelo lodoolopa yaNgwediva momudo 2000 la tameka nomapukululo opo oshiwana shiha kale noimuna ile shi lifile menileengaba dodoolopa, natango onghee ngaho oimuna tai twikilwe nokupashiyona momapandaanda omodoolopa.

Omupopiliko welelo lodoolopa yaNgwediva Andreas Utoni ota ti,  oveta yomalelo eedoolopa inai pitika oimuna I kale modoolopa ohai nyono omaliko ovanhu, tai eta oiponga meendjila nokukakeka. Modula 2005, elelo lodoolopa ola dika po oshuunda tamu wana oufita woimuna 1000, mefiku  hali futifa moshimuna keshe shakula N$18.32, noikombo N$5.32.

Molwa oluteni loneudo, ovanaimuna vamwe po momikunda domomudingonoko oufiku ohava shingile oimuna modoolopa. Utoni ta yandje oshihopaenenwa koshiningwanima Apiilili 03, 2015 shomukwashiwana a undwila oimuna modoolopa ndee tai kwatwa po. Mokuhafimaneka oveta omukwashiwana okwa kwatwa po kopolifi molwaashi a teta odalate yoshuunda sha Muni, a vaka oimuna moshuunda shaMuni, naashi a  nyona omaliko aMuni, omukwashiwana ou oku li modolongo a teelela epangulo.

Utoni ta weda po kutya, odoolopa itai dulu ku tulwa moluumbo otashi pula shihapu. Koshuunda shaMuni waNgwediva okuyadi eendongi deenghani, noimuna ya kala ko oule weemwedi hamano eengobe domunafalama wokokule, nomunhu keshe ngee ta ile ko oimuna yaye oku na kufuta ofuto ya  hai futwa mefiku. Utoni okwa pula ovanaimuna va kwate nawa oimuna oinamwenyo, yavo nawa iha nyonaune omaliko ovanhu ilo diha ete oiponga.

.

LEAVE A REPLY

Please enter your comment!
Please enter your name here