Omatala aShakati oku li pokunangala

0
238

OSHAKATI -Omatala aShakati a tungwa nelalakano okuyandjela eyakulo kovanangeshefa ve dule 400 oku li pokunangala. Ouyelele owa yandjwa komunambelewa omupopili ko welelelo lodoolopa yaShakati Jackson Muma . A tungwa po palongekido leedola eemilijona  N$ 80.da dja momutengenekwamwaalu womudo 2010.

Muma ta yelifa kutya, ehangano lomatungo lomuChina la la tunga omatala ola li ashike la katekwa kelefa lokuya mombada mokulondwa kovatalelelipo nokwaavo va hala kutala ewapalo nomutungilo wodoolopa yaShakati. Omutungi okwa udaneka kutya oku li pokumana oilonga, nokwa udaneka ku yandja omatala kelelo lodoolopa yaShakati kexulilo laApiilili, nelelo otali ka tokola efiku omatala taa nangala.

Ei omhito yeyandjo  loilonga kovanabelewa vane tava ka kala ovakwatakanifi voitukulwa ya yooloka  pomatala  mape opo tapa kala eenhele dovalandifi va yooloka. Momatala otamu kala eenhele ngaashi yomatuwa taa landifwa, oundjuwo, ombelewa yomaishngifilo nomafutilo  ovalondi veebesa da uka keenhele da yooloka, opo tapa koshelwa omatuwa  no tapa tulwa okaATM.

Muma ta yelifa kutya momatala opashinanena,  ovalandifi ova tukulwa she likwatelela koludi loilandifomwa oko tava ame ngaashi, voikutu, ovalandifi vombelela va tulilwa po eekila, eenhele dokushashalela nokuyofela ombelela, opo tapa telekelwa oikulya, ombinga yeeSalona, ombinga yokulandifila oikulya yopamufyuululwakalo nongulu yakula yokuningila oyoongalele yovalandifi momatala.

Ta dimbulukifa ovalandifi ve li longikidile okutembukila konhele ipe tai ka kala nelandulafano lipe, ya andjuka tapa dulu ku longelwa kuvalandifo voilandifomwa ya yooloka tava yakula ovalandi voilandomwa yomaludi ponhele imwe.

 

 

LEAVE A REPLY

Please enter your comment!
Please enter your name here