Omukiintu a dhipagwa noku kwatwa onkonga

0
272

OMUTEMO – Aakalimo yomomukunda Omutemo  oshowo yomoshikandjohogololo Omuntele ongulonene yetiyali, oyali ya haluthwa koshiningwanima sha ningilwa omukalimo gwomomukunda moka  sho omudhimba gwe gwali gwi itsuwa gu umbilwa momwiidhi ku walye. Omanga ombulukweya nokapendi hono ali a zala keli pooha dhe.

Ngono a tseyika owala nedhina Auguste Pombili omukiintu gwoomvula omilongo ndatu nambbali nokua za anuwa moAngola okwali a adhika asa nale eli olutu lwowala. Pahokololo lya gandjwa ku gumwe gwomaashiinda mboka ya mono omudhimba gwanakusa ota ku hokololwa kutya Pombili okwa kala megumbo moka mOmutemo oye teli takamitha manga ooyene yeli kiilonga kOvenduka.

“Pethimbo lyokwa toka manga aantu ya lala uunona waandjetu owali wu uvu onkugo, nowa tseyithile ndje moku uva ndhoka onda kala nde dhi dhina oshoka okwali uusiku unene nondali ndi ipula kutya pamwe gumwe ngono gopomukunda gwetu ha kala owala te ende ta kugu ngele kwa toko, ongulonene sho kwashi lela ondali nda tokola ndiye paandja mushiinda, ngame ndi ka pule tuu onkugo ndjoka yongulohi,” Mushiinda tati ngaaka.

Okwa hokolola kutya sho a thiki pegumbo okwali a mono omankalala pwafa pwali puna aantu taya matuka , naasho anuwa a ende ta tala moondunda adhihe odha patuluka owala ashike megumbo kamuna omuntu,okwa kala anuwa ti ithana ashike okwa mono kutya Pombili kemo.

“ Sho nda mono kutya megumbo kamuna omuntu po puna omankalala taga limbilike onda kala tandi dhingoloka egumbo ndi tale pamwe okuna mpa eli nokonima sho oonkambadhala adhihe inaadhi eta sha onda tokola ndi dhengele mwene gwomukunda gwetu ngono naye ali a lombwele ndje opo tu tegeko manga oshoka anuwa pamwe okuna ngaa mpa aya, manga owala twa landula ompadhi yaza megumbo otwa li twi itsu ombele yina oombinzi yili momwiidhi po puna uutapa nokonima otwe ki itsa ishewe momudhimba gwa Pombili gu umbilwa momwiidhi go gwa vundakana nomavi eli owala ngaashi a valwa niikutu ye ayihe ya hulwamo,” Wilika omushiinda ta gwedhapo ngaaka.

Engathithi lyaakwashigwana pamwe nakansela gwoshikandjohogololo oshowo yamwe yomoomwene yomikunda oyali ya holoka no yali ya kunkwa noku kuminwa oshiningwanima shika sheso lyi nyanyaleka lya ningilwa omukwashigwana nguka.

Otashi ulike kutya nakudhipaga Pombili okwe mu tsu nombele ye temu kwata woo koonkondo,olutu lwe otalu monika lwa dhengwa unene koshipala ye ta tulwa omavi piilyo ye yoluvalo.

Opolisi yaShikoto oya koleke oshiningwanima shika tayi hokolola kutya kapuna ngu a kwatwapo moshiningwanima shika shi nyanyalitha ashike otaya tsikile nomakonakono gawo ngono taga vulu ga kwatithepo omufekelwa miilonga mbika yi nyanyalitha.

LEAVE A REPLY

Please enter your comment!
Please enter your name here