Omusati hwangu medhipago lyaakiintu

0
214

ONGWEDIVA-Oshitopolwa shaMusati otashi dhana onkandangala medhipago lyaakiintu taya dhipagwa kaaholike yawo petameko lyomumvo nguka monooli ayihe.

Omusati oguli komeho niipotha yaadha pu itatu mbyoka ya longwa ashike muule womweedhi ne nuumvo sho aakiintu ya li ya mbothagulwa nokutetagulwa , noshowo ya yahwa noondjembo kaaholike yawo mboka woo nayo ya hulitha po oonkalamwenyo dhawo konima ashike sho ya dhipaga aaholike yawo.

Mwaamboka yokoMusati omwa kwatelwa woo omulumentu ngoka ali a kambadhala oku ikutha omwenyo konima sho a mbothagula omukiintu gwe oombele dhapita pomilongombali nandatu molutu aluhe mwa kwatelwa negundji lyokolumoho.

Oshiningwanima shika shinyanyalitha oshaningilwa kOluteyi kOngandjera mpoka Annalise Tuunane Ndakongele gwomimvo omilongo 33 yali ya lala mentente lyombinzi nomwanamati omanga naku mudhipaga ali a fadhukapo eta kambadhala oku i tetagula pomunino gwe opo a kanithe iinkoti kutya haye a dhipaga omuholike gwe.

Oshiningwanima shika oshali shaningwa momasiku gane gwomwedhi gwa ziko , nomutamanekwa gwedhina Sackeus Mateus okwali a falwa koshipangelo kOshakati hoka ali a kalelwa kaapolisi.

Momusati tuu omo moka omwali mwa lopotwa oshiningwanima oshitilithi sho omukiintu gwomimvo 50 omulongi keithano ali a dhipagwa komuholike gwe ngoka ena omimvo omishona kuye sho emu yaha nondjembo etiiyaha yemwene.

Oshiningwanima shika oshali sha ningilwa  pomukunda Otumbatumba moshikandjohogololo shaUtapi.

Omulumentu okwa hokololwa a ningi etokolo sho a thigwapo komukiintu nguka ina hala we okukala miihole naye.

Naku dhipagwa oye Maria Nangula Shikongo omanga omudhipagi oRuden Nailenge Endjala ngoka woo naye iikutha omwenyo sho  iimangeleke.

Oshiningwanima shoka oshitalala lela oshoka shaningwa mulyotango lyomwedhi nguka sho Anna Ndishishi Shivute gwokomukunda Esili a li a tsuwagulwa komuholike gwe nooshinima sha honga sigo eso.

Oshitopolwa shaShana oshili ponomola ontiyali sho aakiintu yaali yali ya yahwa okusa kaaholike yawo mboka ya longo metanga lyegameno.

Beata Niita Endjala 52 na Netesia Negumbo oyali ya dhipagwa kaaholike yawo omwedhi gwa ziko naashika oshali sha ningilwa molukanda lwEvululuko mOshakati.

Oshitopolwa shaHangwena oshina ashike oshipotha shimwe she dhipago shoka sha li sha ningilwa momukunda Omafo sho omukiintu a li a dhipagwa komuholike gwe noonyala sho emupondo.

Oshiningwanima shika oshali shaningwa muFebruali nuumvo, nakusa oye Ndeshipanda Ismael gwomimvo omilongo 22. Omufekelwa okwali a mangwa nokwa holokele mompangu.

Omahokololo agehe ngaka ogali ga kolekwa kaapopiliko yopolisi miitopolwa mbyoka .

 

 

LEAVE A REPLY

Please enter your comment!
Please enter your name here