Pinocchio a gandja ongulunongelo omagano kOmhedi

0
265

OMHEDI- Ehangano lyedhina okuzilila koshilongo shedhina German olya tungu ongulunongelo yuunona mboka wuli moshikunino.

Etungo ndika olya gandjwa omagano kaakalimo yomomukunda Omhedi moshitopolwa shaHangwena metiyali omutenya.

Oshikuninongulu shika osha lukilwa nee ohamba yuukwanyama kuku Mwadinoomho Christina Nelumbu ngoka agandja evi opo uunona wutungilwe ongulunongelo.

Birgit Meier omunashipundi gwehangano lyedhina Pinocchio ndyoka lya gandja ongulu omagano okwati kutya, sho eya moshilongo muka  momumvo omayovi gaali nambali  okwali ata lelepo olukanda lwaKatutura movenduka moka ali a haluka no kweenda omwenyo opo a kwathele uunona mboka wuli moshikunino.

“Tango tango ondali nda tungu oshikunino shuunona moKatutura moVenduka konima yaashoka ngaye otandi tungu elugo lyetete lyaanona ndyoka lyali lya fikwa po omunyonena,’’Meier at ngaaka.

Meier okwati kutya sho a tungu ongulunongelo yuunona  mowambo okuli u uvite uugumbo oshoka oku wete ashihe shoka a longitha oku etapo ongulu ndjika sha hepuluka .

Okwati ye okuna oshigwana komutima uunene tuu uunona oshoka owo onakuyiwa yoshilongo .

“Uunona owo onakuyiwa yoshilongo na ngele oto longitha oshindji muyo nena onakuyiwa yoshilongo oya gamenwa,” Meier at ngaaka.

Osha kutha ethimbo lyuule woomvula mbali oku tunga nokumana etungo lyokinda ndjika, ashike omunashipundi gwehangano ndika okwati kutya aakalimo yomomikunda naya kambadhale oku kaleka po omagano gwoludhi nduka.

Okwati ehangano Pinocchio olya totwa nelalakano oku humitha onakuyiwa yuunona komeho monambia nomoshilongo shedhina German.

Egandjo lyongulunongelo ndjika olyali lya kwashilipalekwa komalenga omanene guukwanyama noshowo kaanambelewa mboka yazi kombelewa yuukakwashike kookantu nonkalonawa yuunona.

Okinda ndjika oyina uunona wuli 49 na omulongi gwawo oye Henock Namholo ngoka ena omimvo omilongo 39.

Namholo okwa longa pokinda ndjoka uule woomvula dhili heyali.

Ngashingeyi moshitopolwa shaHangwena omuna ookinda dhili omilongo ndatu na ndatu dhoka dhiishangitha koministeli yuukakwashike kookantu .

Moshitopolwa omo tuu moka omuna uunona wuli 780  naalongi yookinda yeli omilongo mbali mboka ya mona omadheulo oku pitila moministeli ndjoka.

LEAVE A REPLY

Please enter your comment!
Please enter your name here