Robber Chanties a zi mo moliha

0
190

OSHAKATI-Osipanayo Robber Chanties ndjoka yali yi ikuthamo moshimpungu shuudhano wo North West First Division oya thiga oosipana odhindji dhili muudhigu konima sho dhali dha kuthwa iitsa mbyoka yali yakutha muudhano wawo nosipana ndjoka yoRobber Chanties molweetho lwedhingoloko etiyali lyoliha.

Robber Chanties okwali athiminikwa konima sho       ya li yafaula omaudhano geli gatatu moka iikando kehe yali ya toolwa iitsa.

Pamilandu dhoNFA osipana kehe ya ndopa okuya komaudhano iikando yili itatu ya landulathana opo, nena osipana ndjika oya tegelelwa yiikuthemo moliha, naashika osho shaningilwa osipana yo Robber Chanties.

Nando oosipana odhindji odhali dha kutha iitsa sho dhali dha dha na naRobber Chanties iitsa mbika ota ye yi kuthwa, oshinima shika oshili shaninga ondjila yoosipana dhimwe ondhigu okumona ompito yokusindanapo oliha ndjika yo North West First Division.

Ashike ekutho ndika lyiitsa inali guma osipana yo Young Chiefs oshoka ka yali natango yadhana nosipana yo Robber Chanties.

Ekutho lyiitsa oli li eyambeko ko Young Chiefs ndjoka yili ya thigapo oosipana oonkwawo niitsa itano pethimbo ndika sho ye na ko ashike omaudhano geli gaali.

Okatemba ko North West First Division mongashiingeyi ota ka hilwa ashike koonkambe mbali Young Chiefs ndjoka yi na iitsa 37 omanga ngoka eli ta fudha pothingo yawo oGolden Bees yokOutjo ndjoka yi na iitsa 32.

Uudhano mbuka otawu ka galukila mondambo ehuulilo shiwike ndika noosipana otadhi ka dhana ngaashi tashi landula.

 

 

OLYOMAKAYA                                                     ETHIMBO

(Etosha Port Stadium)

Golden Bees vsOnambula United                     10:00

 

OSOONDAHA                                                      ETHIMBO

(Ogongo sport stadium)

UnamOgongovsOnambula United                             15:00

(Mokati Stadium)

African Lions vsEleven  Warriors                      15:00

(Mokati Stadium)

Life Fighters vs Black Africa Warriors                         17:00

Oshikuku

Young Chiefs vs Young Stars                                      15:00

Uukwangula

Golden Bigsvs KK Palace                                             15:00

LEAVE A REPLY

Please enter your comment!
Please enter your name here