Sidney Martin a henge po African Stars

0
243

WINDHOEK – “Okuza kesiku lyotango sho twa shaina euvathano pokati ka Martin Shareholdings noClub 500, oyendji yomiilyo yoclub ndjika inaya gwanitha po iinakugwanithwa yawo yopashimaliwa nonando oya kala nokudhimbuluthwa omathimbo ogendji. Onkalo ndjika ita yi vulu oku idhidhimikilwa”.

Ndika etompelo limwe lyomwaangoka ga thiminike omunangeshefa, Sidney Martin opo a topoke nospana yetanga lyokoompadhi yomoKatutura yoAfrican Stars. Martin okwa ningi ethimbo lyomimvo dha piti oye mwene gwospana ndjika okuza tuu pethimbo lyomumvo guudhano womo 2008/2009.

Aanambelewa yospana oya li taya henuka oshowo okutalako oshinima shoka shafa shaa shi oshili, ihe sho Kundana a pula Martin ye mwene okwa uvu nawa kutya oshike sheende mongaya.

Komapulo kutya omolwashike ta thigipo ospana ndjoka ye a kwathele okutungapo  nokuli yili popepi noku sindana oliha yopombanda oshikando oshititatu  kohi yewiliko lye, Martin ngoka uulike lela inaa nyanyukwa okwa ti okwa vulwa omaihumbato gopaunona ngoka taga ulikwa kaaniipambuliko yomwaalu omushona.

Martin okuna iipambuliko yooperesenda 75 mospana ndjika okupitila mehangano lye Martin Shareholdings omanga aaniipambuliko yomwaalu omushona oyena ooperesenda 25 okupitila mehangano lyedhina Club 500.Okwa nyenyeta kombinga yonkalondjigilile yoClub 500 okwaa ha futa iinakugwanithwa yawo ngaashi shuuvathanwa naashika osha ningitha onkalo yi kale ya dhigupala.

Martin okwa ti opo a gamenenepo oshiketha shofamily ye, okwa thiminikwa oku ikuthamo mospana ndjika nokugandjapo uunashipundi wayo.”Uule womimvo odhindji osha kala oshidhigu okupula noku mona iimaliwa okuza kaaniipambuliko mbaka , naashika osha ethele ehanganoinekelo lyofamily ye, olyo li hummbate omutenge nguka olyo alike”.

Okwa ti iipambuliko ye yooperesends 75 ote yi landithapo koN$1-00 kehe shimwe, okwa ti oshinima shika oshili komeho gomuwiliki gwomaliko gwOhofa yOpombanda ya Venduka, poombelewa dha Mangestrata moVenduka.

Martin nando a pulwa a popye kutya ongushu yiipambuliko ye mospana oyi thike piimaliwa ingapi , ina tumbula omwaalu koomuma , kakele ko kutya , ongushu yiipambuliko mbyoka oyo mwaalu omunene lela.

“ Ayihe oyili miikaha yaa yaluli yomambo gongeshefa yetu , okumanitha kehe oshinima.Ngame onda thiminikwa okugamena uuwanawa wehangano inekelo lyandje no itandi vulu ashike oku ihukata nda tala aantu aakuluntu taya ningile owina mokwaagwanithapo euvathano ndyoka lili pamishangwa.”

Sho Martin  a kuthako ewiliko lyo Stars, mospana ndjika omwa holoka elunduluko, sho ndjika ya sindana ekopi lyoliha lyayo lyotango, nomumvo gwa landula ndjika oya ka sindana omakopi gaali.

Martin okwa etapo elunduluko mospana ndjoka sho a yeluthapo oondjambi dhaadhanitanga, oshowo okwa etapo oshiketha shekwatho lyuunamiti lyaadhani.

Onkalo ndjika oya hilile aadhani aawanawa kospana ndjika.

Ospana ndjika oya dheulwa tango kuBobby Samaria a landula omuZimbabwe ,Gilbert Rwasoka , Samaria okwa sindana omakopi iikando ya landulathana pethimbo lyomimvo dhotango ongomudheuli gwospana ndjoka omanga inaa tidhwa miilonga sho a ndopa okutsikila nomasindano.

Samaria okwa landulwa ku Ali “Mr Fix It” Akan ngoka a sindana ekopi lyo Bidvest pethimbo opo lya tameke oku dhanenwa.Ihe Akan ina kala mo ethimbo muudheuli wospana ndjika molwashoka kaya li yuuvitathane na Martin  kombinga yomulandu gwoku landa noku landitha aadhani.

Okwa landulwa ku Woody Jacobs ngoka eshi pondola okugamena ekopi lyo Bid vest noku li kaleka miikaha yospana ndjoka. Jacobs okwa pewa oshinakugwanithwa oku eta ekopi lyoliha kegumbo lya Diaz.

Jacobs, omuna gwomuhikingalo moChicitto, Skwana okwa zimine nopethimbo ndika ospana ndjika oyi li popepi nokusindana oliha yoMTC nuumvo, yi na ko ashike uudhano wuli utano.

 

LEAVE A REPLY

Please enter your comment!
Please enter your name here