Stimela oteya okuimba moNamibia

0
276

WINDHOEK-AaNamibia oyendji oyali ya nyanyudhwa konkundana ndjoka ya ti ongundu yiihikomwa noondjimbo yedhina Stimela  ya za ko South Africa otayi ka imba pamwe nomuhikingalo omuAmerica gwedhina Trey Songz.

Nonando shika kashishi oshikando shotango ongundu ndjika tayi imbi moNamibia, Stimela edhina nale li shiwike kaaNamibia omayovi ngele tashiya poongalo niihikomwa.

Stimela ota ka imba pokapale okanene kEmanguluko kaNamibia pehulilo lela lyomwedhi tuuka.

Omuhikingalo gumwe omuNamibia, Sledge Kanime , okwa holola enyanyu lye sho a kundana kutya Stimela ota ka imba oongalo dhe moNamibia unene tuu sho pwa piti ethimbo ele inaa monika ta imbi moshilongo shika koyendji.

“Stimela  oyo yimwe yomoongundu dho ku hika oongalo ndhoka dha lid ha simana unene momimvo dho1980s. Stimela oyo ishewe yimwepo yomoongundu ndhoka oonene noosimani  moSouth Africa,” Kanime tati ngaaka.

Stimela  ongundu ndjika oya ninga ethimbo ele mehangano lyoongalo moSouth Africa no ya totwapo momimvo 1970 etayi lukwa edhina Stimela mo1982.

Stimela oyo yamona ishewe omayambeko kaaSouth Africa oyendji naaholi yoongalo muuyuni awuhe molwa ooalubuma dhawo ndhoka dha li oombwaanawa no dha hokiwa.

Uutekete womainyanyudho ngaka otau  adhika poCompu-ticket oshilongo ashihe. Kaanenentu uutekete otau ka pula oodola dhaNamibia 800 omanga uutekete wopokati wuna oodola dhaNamibia 400 nuutekete waantu ayehe owuna oodola dhaNamibia 150

LEAVE A REPLY

Please enter your comment!
Please enter your name here