Tjiuiju  uulike uunyakwa we pomathigathano gopashigwana

0
261

WINDHOEK – Edhina Even Tjiuiju  olya li lya ithanwa iikando oyindji poshiithanene shuudhano wokutondoka iinano iile noshowo iihupi wa longekidwa kOmbaanga yaVenduka ehulilo shiwike lya piti.

Tjiuiju okwa tseyika koyendji esiku ndyoka sho oye a li a thigipo ongundu yaatondoki ayehe miinano shoometa 100  oshowo shoka shoometa 200. Uudhano mbuka owali wa dhanenwa pokapale kEmanguluko mOvenduka Olyomakaya gayi.

Tjiuiju okwa thigipo ongundu yaalumentu mboka ya li yah ala okusindana sho a matuka oshinano shoometa ethele limwe sho eya pomusinda gwesindano meni lyoosekonde 10, 50, opo ishewe okwa sindana ehala lyotango moshinano shoometa 200 sho a thiki gwotango meni lyoosekonde 21, 22. Muudhano wokutondoka oshinano shoometa ethele, Ismael Tjiramba okwe ya omutiyali a matuka oosekonde 10.50 omanga pehala etitatu opwe ya  Tjimbatu Kauajao a tondoka oosekonde 10.60. seconds to take 3rd place.

Tjiuiju ondapo ye ina yi shuna lwanima oshoka mokutondoka kwoometa omathele 200 oye ishewe eya gwotango meni lyoosekonde 21,22 lyo ethimbo ndika a tondoka olye mu pititha opo a vule oku ka ombinga muudhano wIigwana yAfrika mboka tawu kalako nuumvo moCongo Brazzaville.

Kauajao okwa landula omutango ponomola ontiyali methimbo lyoosekonde  21.30 ye  Ernest Narib okwa thiki pehala etitatu meni lyoosekonde  21.58 .

Mematuko lyaakiintu , Kristien Kruger oye eya gwotango moshinano shoometa 100 sho a tondoka uule woosekonde 12,24 eta landulwa puutiyali ku Eileen Britz ngoka a tondoka oosekonde 12.55 ye   Charme Classen ta thigilwa ehala etitatu sho eshi pondola okutondoka ooskende 12.93.

Omumatuki gwiinano iihupi ngoka ena owino oyindji, Silba Tjingaete okwa li a aulukile  aatondoki aagundjuka nkene haku matukwa, sho ye a sindana  oshinano shoometa omathele gaali mule wethimbo lyoosekonde  26, 86, ye Anrie Els teys pehala etiyali moosekonde  27,17 omanga Jesse Joseph okwa pandula ehala etitatu  sho a thiki pomusinda gwesindano meni lyoosekonde 27,28.

Moshinano shoometa 400 Francis Uatema okwa kangele ayehe meni (47.39), a landulwa kuErnest Narib (47.53) naJohnson Tjijenda (48.61) mboka ye ya ya landulathana omu2 nomu3rd . Uudhano woshinano osho tuu shika waakiintu owa sindanwapo ku Henryke Garbers methimbo lyoosekonde 58,58 nguka okwa landulwa ku Ze-zane Lewin (1:00.06) na Silba Tjingaete (1:00.11) pehala 2 nehala 3 .

Daniel Nghipandulwa okwa matuka ethimbo lyomunute 1:51.61 nokwa sindana oshinano shoometa omathele 800 a landulwa kuOskar Komeya (1:54.09) na  Johnson Tjijenda (1:54.09) pehala etiyali netitatu. Omanga muudhano owo tuu mbuka woshinano shoometa 800 Claudia Moses oye a thigipo yakwawo nethimbo lyo1:11.13, ye Lavinia Haitope na Salmi Nduuviteko taya landulamo nethimbo  2:12.98 oshowo oku kala pehala etiyali oshowo etitatu.

Daniel Nghipandulwa oye ishewe a sindana moshinano shoometa 1500 meni lyethimbo lyo 4:14.62, a landulwa ku Johannes Skrywer (4:15.61) naOskar Komeya (4:15.64) pehala eti 2 netitatu. Lavinia Haitope ta sindana moshinano shoka mongundu yaakiintu meni lyo6:06.75  a landulwa kuClaudia Moses (6:16.45) na Ndeshimona Ekandjo (6.24.85) omutiyali nomutitatu melandulathano ndyoka.

Oshinano shoometa 5000 osha sindanwa ku Reinhold Tomas methimbo lyo15:00.79, ye Leonard Nampala teya pehala 2 mominute 15:01.25 a landulwa ku Uveni-Nawa Kuugongwela puutitatu mominute 15:01.27.

Armas Alina oye eya gwotango moshinano shoometa 3000 meni lyominute  8:29.69, a landulwa ku  Ndeshimona Ekandjo (8:58.69) na Rauna Lukas (9:47.00) pehala etiyali oshowo ehala etitatu pa landulathano ngaaka.

Moshinano sha hugunina shoka sha matukwa shoometa oamyovi 10 000 Mynhardt Kauanivi oye eya gwotango mominute 30:52.63 a landulwa kuLeonard Nampala (31:09.03) na Uveni-Nawa Kuugongwela (31:25.59) pehala etiyali oshowo etitatu.

 

LEAVE A REPLY

Please enter your comment!
Please enter your name here