Uudhano woSecond Division mOshana otawu pula komeho

0
258

OSHAKATI-Oliha ndjoka yili omweelo gwoosipana dhomoshitopolwa sha Shana okupitila mondjila yokuya ko First Division oyili tayi pula nawa komeho.

Oliha ndjika oyili yina oosipana 11 dhaza moshitopolwa shaShana.

Ehuliloshiwike lyazako oosipana dhika odhali dhi inika komakombo sho tadhi ningi shanamutango kesindano lyoliha ndjika.

Onelago United oyali yadhengemo Omeege United 2-1, omanga Africa Motor yali ya dhana shithike pamwe no Pescanova 2-2.

Onkalamwenyo yOshakati City onkene tayi tsikile nokuninga odhigu esiku nesiku konima sho yali ya dhengwa ko Vietnam Rangers 3-1 shoka sheetitha osipana ndjoka yakala nedhina enene yikale yakuutumba pokati koshitaafula sholiha oshoka omundilo ita gu tengele nawa.

Oshakati United oyali ya halakanithapo osipana yo J.Aron 4-2 omanga Ekondombolo lyaNangombe lyali lya nyengwa ko Poison Arrows moka yali yi ithigi othika 1-1 pokapale ko Independence Stadium mOshakati.

Pescanova okwa li iithigi 2-2 nOshakati United.

Sam Nekwaya ngoka eli gumwe gomaawiliki yuudhano mbuka okwati ondondo yokatanga muudhano wo second Divion oyili yaya pombanda okuyeleka nomimvo dhapiti.

Osipana ndjoka tayi kasindanapo uudhano mbuka otayi kamona ompito oku kadhana ko North West First Division ndjoka yili oliha ontiyali onene moshilongo.

Mpaka ota pu landula omusholondondo gwoosipana nkene dha thikama moliha yaShana

 

Osipana                                            Yadhana                                           Iitsa

1.Ongwediva City                          14                                                       32

2.Oshakati United                          16                                                       31

3.Vietnam Rangers                                    14                                                       30

4.Africa Motor                                15                                                       24

5.Oshakati City                               14                                                       19

6.KHuse FC                                       15                                                       19

7.Pescanova                                                16                                                       17

8.Poison Arrows                             16                                                       16

9.Onelago United                           14                                                       13

  1. Omeege 14 12

11.J.Aron                                          14                                                       10

2nd Division 1: Onelago United sho yali yi ikwata nOmeege United pokapale ko Independence Stadium.

 

LEAVE A REPLY

Please enter your comment!
Please enter your name here