Vahapu mEenhana otava pumbwa eendja diva

0
330

EENHANA – Molwoluteni la denga oshilongo neudo, konyala ongudu yovakwashiwana vedule po 15 000 vomokati kovakalimo veli 21 000 moshikandjohoololo shEenhana moshitukulwa shaHangwena, oveli shangifa vapumbwa ehavaleko leendja meendelelo.

Edi, oda tumbulwa kukansela woshikandjohoololo shaEenhana Nehemia Udeiko Haufiku, ou a ti ondjala oya duva unene eshi ovakwashiwana vahapu moshikandjohoololo shaEenhana vamanapo nale oikulya nomomapya kamuna oikulya yokuva fikifa keteyo. Oshiwana otashi mbobolokele kombelewa yakansela tashi pula ngee epangelo inali longekida eedja doshikukkuta.Haufiku ta yelifa kutya,odula yadjako inaku lokwa nawa ongehe ovanamaumbo inava pungula oikulya ,omaumbo mahapu itaatema.

Haufiku ota holola kutya, oshiwana ohashiya kweehela oikulya kombelewa yaye, vahapu ohave ya neembapila da dja koovene vomikunda da fatulula kutya kavena eshi tava li. Ouyelele wa tya ngaha owa yelifa kutya, momikunda omuyadi ovakwashiwana vamwe oingudu naavo va hepa vehena apa tava hange ekwafo limwe, onghee otava pumbwa ku kwafelwa meendelelo.

Ta weda po kutya ombelewa yakansela ita i dulu kuyandja oikulya nande epangelo inali longekida eshikulafano lehavaleko leendja doshikukuta  manga, epangelo olapumbwa kukwafela meendelelo ovanhu vehena oikulya. Ta yelifa kutya elelo loshitukulwa shaHangwena oshivike shadjako, ola shakena noovene vomikunda, okudika po eekomitee momikunda.

Haufiku ta ti, oshiwana itashi fi ashike ondjala ndee noimuna nayo otai fi enota shaashi omatale a xupwa moshikandjohoololo okwapwiinina .

 

LEAVE A REPLY

Please enter your comment!
Please enter your name here