Elelo lyodoolopa yaShakati nali dhiginine uuyogoki

0
186

OSHAKATI – Nando elelo lyondolopa yaShakati  lya longekidha oshikonga sheopaleko omumvo gwa za ko, okutsa omukumo aakalimomekuth’ombinga lyeopaleko momagumbo gawo, natango oli na ku longa nuudhiginini okweeta ondoolopa pomuthika guuyogoki. Ndhika odha kolekwa komunambelewa omupopiliko gwelelelo lyondoolopa yaShakati, Jackson Muma.

Muma ta ti, molwa oluteni lwonuumvo, Iikando oyindji  aaniimuna yomomikunda nando ya kelelwa, uusiku oha ya hingile iimuna mondoolopa moka mu na omwiidhi ogundji, noyendji ya futile iimuna koshigunda. Iimuna ngaashi iikombo, uundoongi  noongombe onkene ngaa tai endaenda koshitauwa shika sha nika oshiponga.

Miihwa nomomwiidhi omule ohamu holama aayugi, mboka taa piyganeke egameno lyoshigwana mondoolopa, nelelo otali pulwa li kuthe onkatu yeopaleko . Muma ta fatulula kutya, oya longekidha oombakumbaku dhi heye po omwiidhi nongundu yaaniilonga mboka taa tete iihwa. Pehulilo lyomumvo 2014, elelo olya kongolola mo iikwakwa ayihe yomatuwa ya li tayi ulike thano ewinayi mondoolopa opo yi ka nyanyagulwe po.

Okwa ti, oshikonga sheopaleko sha ningilwe mondoolopa ayihe sha kwatela mo omagumbo, oongeshefa noosikola, osha longekidhwa nelalakano okutsa aakalimo omukumo ya dhiginine uuyogoki okwoopaleka pathigathano, noyendji mba yo opaleka nawa oya pewa omasindano gawo. Muma ta tsu aakalimo omukumo ya tsikile nokukwatela po uuyogoki pomahala gawo nokukwatela po ethano ewanawa lyondoolopa yawo. Ta kumagidha aanamagumbo kaa ya kale niingulu nenge oondjuhwa odhindji modoolopa.

LEAVE A REPLY

Please enter your comment!
Please enter your name here