Ethigathano lyomukadhonadhingi moNooli  mOlyomakaya

0
241

ONDANGWA – Ethigathano lyomukadhonadhingi moNooli olya tegelelwa li ka kaleko Olyomakaya yomasiku 25 Apiilili. Ethigathano ndino otali ningwa oshikando oshititatu otali ka ningilwa mondoolopa yaNdangwa pEkamuti okutameka otundi ontihamano komatango.

Aayunganeki yethigathano ndika oya holola kutya aakadhona omulongo nay a ne  (14) yaza koosikola dha yoolokathana   monooli otaya kutha ombinga methigathano ndika nokuulika iitalenti yawo.

Ta ya ti elalakano lyethigathano lyomukadhonadhingi okugandja ompito kaakadhona mboka yeli mosikola ya ulike iipewa yawo, yo ya  longithe ompito ndjoka omanga yeli moosikola.

Sandro Ithana omuunganeki gwiituthi moNooli okwali eshi yelitha kutya shino oshinima oshiwanawa  mokugandja ompito kaanaskola ya ye momathigathano goludhi nduka yo ya thigathanepo naanaskola yaza koosikola dha yoolokathana po pu talike omukadhonadhingi ngoka ta ka ka yambukapo noshikoloni shenzunadhingi.

Mehuliloshiwike lya piti omanzuna ngaka ogali taga ende noku ulikwa koshigwana mondoolopa yaNdangwa, konima sho ga kala taga endemo, ogali woo ga kala po Exclusive V.I.P Cleaning Services mpono pwali pwa longekidhwa esiku lyomainyanyudho gowina,opwali woo pwa ningwa eyotho lyonyama omanga uunona wa kala tawu dhana no tawu nuka mpoka.

Okwa tegelelwa aahikingalo yaza momudhiingoloko oshowo yalwe yaza kiitopolwa yopopepi ya ka nyanyudhe noku mwenyeka pethimbo lyethigathano ndika. Aahingikalo ngaashi yo Young Kasi,Sedjo, D Square, Lapie Topie, Kinzo noyendji. Pomweelo otapu ka pitwa uuna omutalelipo a futu ooN$20 adhike.

Ethigathano ndino olya yambidhidhwa nokulongekidhwa ko Tulinane Investment, Mayweather Construction,It’s Not Easy Clothing line, Mvula Design,Ekamuti lodge,No Limit, Oshoto Lodge, Maya Design na yalwe oyendjiyendji.

Methigathano ndyono lyali lya ningwa oshikando shotango moNooli momvula yo 2013 Mandy Job ali omunasikola pErundu oye ali a sindanapo oshikoloni shomukadhonadhingi , omanga omvula ya ziko 2014 shali sha yambukapo na Aune Johannes omulongwa pOnangolo.

 

LEAVE A REPLY

Please enter your comment!
Please enter your name here