Gazza na Lady May otaya ka towaleka oNAMA

0
620

WINDHOEK-Aaimbi Gazza na Lady May oyo taya ka wilika egandjo lyomapapa kaahikingalo nuumvo.Gazza na Lady May otaya ka wilika oshiithanene  shoku gandja omapapa kaahikingalo ooyakwawo momasiku 2 ga Mai moShiwakopo nuumvo.

Shika osha ninga omukalondjigilile gopaigwana kutya piituthi yoku gandja omapapa kaahikingalo, aahikingalo yoyene nenge aasimani moshitopolwa shomainyanyudho oyo haya wilike oshiithanene shoka.

Onkene Gazza na Lady May oyo yotango taya ka wilika oshiithanene sho NAMA nuumvo, ongo omalongekidho gaNama oku fala komeho oshinakugwanithwa sha Nama oshowo okuhumitha komeho aahikingalo aaNamibia.Mokuninga ngaaka aahikingalo ya Namibia otaya ka tseyika woo miilongo yilwe menenevi Afrika.

.Nuumvo poNama otapu ka kala woo enyakwa miihikomwa lya za koEast Afrika, lyedhina Keko. Nguka oye ta kala omukwatakanithi  wiliki gwoshiithanene na oye ta ningi efalemo kombinga yaawiliki yoshiithanene shika aaNamibia, kokutya Gazza na Lady May.

Aawiliki yalwe mboka taya ka longa naambaka oyo omuniilonga mo Radio Energy100fm radio, Mavis Braga pamwe na Ashwyn Mberi ngoka ta ka wilika oshiithanene shika oshikando oshitiyali.

Mboka taya taamba nokukundathana naayenda ya simana pemate embulau Olyomakaya oyo Milton Hochobeb na Pombili Shilongo  omanga Chops na Uejaa taya kala mongulu ombulau.

Omuwiliki gwoshiithanene shomEtitano mesiku 1 Mai  moka tamu ka gandjwa omapapa kOshimpungu shomusiki oye Paul na Helena omanga mboka taya kala pemate embulau oyo Ueja na Ruffy.

NAMA ota ka tyapulwa uule wuusiku uyali sho omapapa goshikondo shomusiki taga gandjwa mu lyotango lya Mai omanga gaahikingalo yoyene taga ka gandjwa mesiku 2 lya Mai.

Oshilando shokomunkulofuta Swakopmund osho tashi edhilile aayenda ayehe mboka oshowo oshiithanene shegandjo lyomapapa..

LEAVE A REPLY

Please enter your comment!
Please enter your name here