Golden Bees, Young Chiefs taya kondjele ko Premier liha

0
245

OSHIKUKU– Olugodhi okukondjela ompito oku ka dhana moliha yopombanda olwa dhiginina mo North West First Division, oospana ndhoka tadhi kondjele ehala ndika odho Young Chiefs na Golden Bees.

Otaku tengenekwa kutya olugodhi nduka otalu kala sigo omuudhano wa hugunina sho oospana ndhika tadhi ka manitha omaudhano gadho oku imonena iitsa.

Chiefs oya dhengemo  Young Stars pokapale kopOshikuku nokoola yimwe 1-0,.Okola ndjoka oya tulwamo ku Efraim “Fimbi” Willbard, okugundjilika omaiyuvo gaali pehala gaayambidhidhi yospana ndjoka mboka yiile okugandja eyambidhidho lyaana oongamba opo ndjika yi vule okupita.

Ihe okonyala  Young Stars yi tulemo okoola medhingoloko etiyali lyuudhano. Young Chiefs oya pandula okumukwati gwayo ngoka a kwatamo etanga ndyoka noondungu dhominwe dhe.

Ospana yoGolden Bees oya zi konima nokutulamo ookkola 2-1 sho ya li ya dhana nospana Onambula United pokapale ketanga pEtosha mOutjo nongeyi oya kaleke ompito yayo oku ya koliha yopombanda ngele oya sindana uudhano wa landulako.

Momaudhano galwe ondjodhi yaKK Palace okuya koliha yopombanda oya ehamekwa sho mbaka ya dhana shithike pamwe nospana yo Golden Bigs pUukwangula Stadium moSoondaha omanga ospana African Lions oya dhengemo ospana Eleven Warriors okoola 2-0.

Onambula United oya dhengwa olutiyali ehuliloshiwike ndika kospana yaUnam pOgongo. Pethimbo ndika ospana yo Young Chiefs oyili nawa pombanda niitsa  omilongo 40  ya thigalako ashike nuudhano wumwe.Omanga Golden Bees oyi li pehala etiyali niitsa 35 no yin a wo uudhno wumwe tayi ka dhana nospana Young Stars.

Young Chiefs otashi vulika yi pite okuya koliha yopombanda nando ina yi thanga etanga ngele  ospana yo Young Stars oya dhana shit hike pamwe nospana yo Golden Bees pOutjo Olyomakya ngaka. Young Chiefs otayi ka dhana noGolden Bees moSoondaha.

LEAVE A REPLY

Please enter your comment!
Please enter your name here