Opolifi mOshikoto ya kumaida ovalongifi veepate inadi kolongwa

0
188

ONGWEDIVA – Opolifi mOshitukulwa shaShikoto oya kunghilila noku kumaida ovanaihauto ovo hava longifa oupate vomamanya hano o gravel road opo va kale va kotoka, ngeenge tava shingi koupate oko, vo va yande oiponga yomeendjila.

Kakukutu komatanga opolifi mOshikoto, Commissioner Anne-Marie Nainda edi okwe di tumbula, deli kolelela koshiponga omo omulumenhu omunyasha lela, a kanifa omwenyo waye moshiponga shoshihauto, sha ningilwa kokapate komamanya kokOmuntele lwopomukunda Engoyi.

Otaku hokololwa kutya omulumenhu ou wedina Josua Ndengu, navakwao vatatu, mwa kwatelwa omushingi ova li moshiendifo eshi omushingi a nyengwa okupangela oshiendifo, ndele tashi fiye po opate noku alangata.

Ndengu opo a xulifila poshiponga opo, omanga vakwao vatatu va mona ouponga va nini. Nakufya Ndengu okwa dile moshitukulwa shaMuntele

Nainda ta kumaida ovashingi opo va kale va kotoka ngeenge tava shingi koupate vomamanya shaashi, okwa nyika oshiponga, ta ti, luhapu koupate oko oku na ondwi, osho hashi imbi opo omushingi a mone osho shili komesho yaye.

Pefimbo lodula, koupate oko ohaku kala yoo kuna omufenu.

Moshiponga shikwao shoshihatu natango sha ningilwa moshitukulwa shaShikoto omwa xulifila vali omunamido 24, Johannes Taukuheke a dile komukunda Iipumbu, mOshitukulwa mOshikoto.

Otaku hokololwa kutya nakufya Taukuheke okwali ta shingi Okambasikela eshi a pumwa koshihauto shonomola ya Ndangwa. Naye poshiponga ina dja po opo a a xulifila.

Moiningwanima aishe opolifi oya patulula oibofa yomadipao eheshi oshiningilawina

LEAVE A REPLY

Please enter your comment!
Please enter your name here