Osenda yaKaheke ya lukilwa omukwatakanithi goSWAPO

0
230

OKAHEKE – Osenda ndjoka yali hayi ithanwa Okaheke moshikandjohogololo Okatyali oyali ya lukululwa oshiwike sha piti no ya lukilwa omukwatakanithi gongundu yoSWAPO moshikandjohogololo shoka.

Shino oshali sha ningwa sho pwali pwa patululwa pambelewa olusheno ndono lwa tulwa pehala mpoka pwa kala pwaana olusheno ethimbo ele. Aakalimo yomomukunda Okaheke nopomudhingoloko gwaampoka oyali ya kwatwa kenyanyu omasiku ga ziko sho yali ya pewa olusheno, naaashino oyali yeshi ningilwa oshali okupitila mombelewa ya kansela gwawo.

Okaheke okeli moshikandjohogololo Okatyali hono taka wilikwa ku kansela Joseph Mupetami. Oondunda / uundingosho auhe wuli pOkaheke owa tulwa olusheno ndono lwa tema nale nokuli.  Pethimbo kansela Mupetami ta patulula olusheno nduka pambelewa okwali woo a tseyitha kutya  muule wethimbo efupi mOkatyali otamu ka kala mwa tungwa okapangelo hono ta ka ka gandja ompito kaapangi yomomikunda ya kale taya gandja omayakulo gopetameko ngaashi ye ga dheulilwa.

“Otwali twa ningi eindilo opo tu tungilwe okapangelo moshikandjohogololo shetu, oshoka aantu yetu oya pumbwa omayakulo geli popepi,uuministeli wuundjolowele owali wetu yamukula noku uvaneka kutya okapangelo hano otaka ka tungwa noku tulwa miilonga muule wethimbo efupi twa taalela,shino otatu shi pandulile epangelo lyaNamibia sho tali hedhitha uuwanawa popepi noshigwana esiku nesiku,” Mupetami tati ngaaka.

Shino oshali sha ningwa Olyomakaya ga ziko mono aakalimo yomoshikandjohogololo shika yali wo ya tyapula noku dhimbulukwa evalo lyongundu yoSWAPO ndjono ya gwanitha oomvula 55 momasiku 19 Apiilili.

Aakaheke oyali ya holola enyanyu lyawo enene taya pandula woo kansela gwawo ngono ta kondjo noku ya etela uuwanawa pamwe nehumokomeho moshikandjohogololo ,taye mu halele oonkondo a longe nomukumo ye a yambulepo oshikandjohogololo she ngaashi ta tsikile oku shi ninga esiku kehe.

Moshikandjohogololo muka omwi ipyakidhilwa netungo lyombelewa yuuministeli wuukashike kookantu ndjono hayi gandja unene omayakulo kuunona wuuthigwa,oya tungwa woo popepi nopolisi ndjono aakwashigwana yomOkatyali yeyi thikamithapo yoyene opo aakulupe ngele taya shangitha oothigwa dhawo kaaya ende oondjila oonde dho dhi kale wo dha tetulwa. Omwa thaanekwa wo tamu ka  kala mwa  longwa oopate odhindji meni lyethimbo efupi.

 

LEAVE A REPLY

Please enter your comment!
Please enter your name here