Oshikandjohoololo shaPembe oshe li longekidila omayakulo

0
174

OSHIKUNDE – Molwoinano pokati keenhele domayakulo moshikandjohoololo shaPembe moshitukulwa shaHangwena, Okomisi yEtendo lEengaba 2013 oya popila oshikandjohoololo shi tukulwe pokati, mwa dja oshikandjohoololo shipe shaShikunde. Edi oda kolekwa kukansela woshikandjohoololo shEpembe Johannes Nakwafila.

Nakwafila ta yelifa kutya oshikandjohoololo shipe oshe li longekida okuyakula oshiwana, nomafaneko etulo moilonga leeprojeka domaxumifo komesho okwa ya komesho mokukandula po eemhumbwe doshiwana hashi ende oinano ile okumona omayakulo opaundjolowele, elongo neandjaneko lomeva nolusheno oku li peenhele.

Moshikandjohoololo shipe omu na eefikola omuwoi nomandiki atano e na  olusheno.

Molwa oluteni loneudo la denga oshilongo ashishe, osha tukulula omaipulo kombinga youxupilo wovanhu noimuna. Oshikandjohoololo shaShikunde sha ama kombinga kwe lituwa omeva okoshi yedu, molwa oushitwe washo omeva ohaa pwiinine diva, vahapu natango ohava ende oinano okumona omeva okunwa nookuxwiilwa oimuna. Eesasiona deepomba dokwandjaneka omeva pEpembe nokOnangolo ihadi pombo omeva, ovakali moshikandjohoololo shipe shaShikunde ove na oudjuu okumona omeva a yela nande moshikandjohoololo mu na eemboola 10,pe na  omafaneko mu xupwe eemboola dipe nhano oshiwana onghee tashi fi enota.

Nande kwa pondolwa omaudjuu  mahapu, natango oshikandjohoololo osha kondekwa komashongo omhumbwe yomakwatafano eengodi, oitauwa oshiwana hashi ende oinano ile okumona eyakulo kombelewa yoshitukulwa .

Nakwafila okwa tumbula kefaneko okuyambula po onhulilwa yaShikunde okupupalekela oshiwana shi dule kumona omayakulo a yooloka ponhele imwe.

LEAVE A REPLY

Please enter your comment!
Please enter your name here