Oshindji osha tegelelwa okuza kuDesert Storm

0
224

WINDHOEK – Sakaria Desert Storm Lukas ngoka a kondja omalugodhi 14 nokwe ga sindana agehe, ota ka mona ompito ehuliloshiwike ndika oku tala ngele ota sindana po epaya lyondjundo yoFeatherweight yolutu lwoongonyo lwo IBF. Desert Storm ota ka tsakanena nomukondjithi gwe omuTanzania, Issa Nampepeche poWindhoek Country Club Resort and Casino.

Uudhano woongonyo wedhina ‘Prospects in Action’ boxing bonanza, owa longekidhwa koshiputudhilo dshokudheula aadhengingonyo sha MTC Nestor Sunshine Tobias Boxing & Fitness Academy okupa aambokisi aape oompito okuulika uunongo nowino yawo mokuumba oongonyo sho taya tsakanene naambokisi yopomuthika guuyuni. Omalugodhi gOmolyomakaya ogo osheelo okupitila aambokisi mbaka mondjila yawo yokuya kokudhenga oongonyo paithano , nokupita ya kale aalanduli yaadhengingonyo omanyakwa ga Namibia ngaashi Harry Simon, Tyson Uushona, Paulus the Hitman Moses, na Paulus Ambunda okutumbulapo ashike yamwepo.

Ngele ‘Desert Storm’, okwa sindana shika otashi mu egululile omiyelo odhindji oku ka kondja omalugodhi ngoka tage mu etele uuwanawa owindji, osho oku ka kondja omalugodhi omanene. Shika otashi vulu ashike okuningwa uuna Desrt Storm eshi pondola okukandulapo Nampepeche, mondjila ye. Omukondjithi gwe okwa kondja omalugodhi 20 ngoka a sindanapo gomomalugodhi 27 moka akanitha omalugodhi gatatu ongo omumbokisi gwopaithano.

Momalugodhi ngoka taga tetekele nduka omudhengingonyo  a pupyala  no ta endelele mokudhenga oongonyo, Jeremia Nakathila, ngoka a kondja omalugodhi ga 7 nokwa sindanapo omalugodhi wo ngoka  okwa tegelelwa a ka ulike uunyakwa we uuna a yi moringa yokumbokisa.

“Nakathila ohadhennge oongonyo oondhigu, omumati a nikonyati nokunomutima omunene, na ohadhenge oongonyo niikaha ayihe shafaathana, ‘ osho omudheuli gwe Nestor Tobias a ti.

Onyati ndjoka ena ohayi longele kumwe nokudhenga itaa palutha, naambuka uukwatya wa pumba mokati kaadhangingonyo yepipi lye.Onkene ondi itaala kutya nguka ota ka adha oshindji mondjila ye na ngiika otaka ninga enyakwa limwe lyomo manyakwa  guuyuni ga Namibia ngele ethimbo lye lya thikana. Ethaneko nelalakano oondika kutya nguka a kondje omalugodhi omulongo omanga inaa tulwa muudhano wopaigwana oku ka kondjitaha aambokiisi mboka ya lokelwamo mokumbokisa nenge ya ningamo ethimbo ele’” osho Tobias a ti.

Uuteke womukwashigwana kehe otau landwa oodola N$200 omanga oshitaafula sha kuutumba aantu omulongo otashi futwa oodola N$10 000-00.Uutekete otawu adhika poComputicket oshilongo ashihe.

LEAVE A REPLY

Please enter your comment!
Please enter your name here