Osipana ya Nakayale ya pewa omayambidhidho ku NAWISA

0
220

NAKAYALE-Osipana yo Ateletika ya Nakayale yaantu mboka yena uulema oyali ya pewa ekwashilipaleko kehangano lyoNAWISA ehuuliloshiwike lyazako ,oku yakwathela opo ya vule okuhumitha komeho ontseyo nuudhano mokati kaanuulema moshitoplwa shaMusati.

Ekwashilipaleko ndika olyali lyeya molupe lwomudheuli ngoka taka tameka oshilonga she okugandja omadhewo kongundu yaanuulema yaza kiitopolwa ya yooloka mOmusati.

Mbaka ngele ya pewa uunongo otaya ka shuna nduno kiitopolwa yawo hoka ya yambukile moka ya tegelelwa ya ka topole uunongo naantu yomiitopolwa yawo.

Pethimbo sho a li ta gandja oshali ndjika amushangandjayi gwehangano lyo NAWISA, Carol Garoes okwati NAWISA ekwashilipaleko lyawo otaya keli gandja momukalo goku kala taya futu ondjambi yomudheuli ngoka ta ka kala ta dheula aadheulwa yaza kiitopolwa oyindji moshitopolwa shaMusati.

Okwa ti NAWISA okuli a nyanyukwa okukwathela miikwamaudhano uunene tuu miitopolwa mbyoka yali hayi liwa oshipungo.

Tati aadhani mboka yena uulema oyeli taye shi enditha nawa momaudhano meni nopondje yoshilongo .

Onkene oku uvite kutya oya pumbwa eyambidhidho opo ya yambulepo omaudhano gawo ngoka geli haga liwa oshipungo mongashingeyi , tati aadhani mboka oko haya zi kuushayi onkene oya pumbwa esilo shimpwiyu.

Okwati NAWISA okuli ehangano eshona shona lela ashike oyeli ya ihanena oshilongo ashihe moka yena oombelewa kehe moshikandjohogololo.

NAWISA okwali wo a gandja iikutu kaadheuli mbaka nokweya tsu omukumo opo yaka gandje uunongo mboka taya ka likola momadheulo kiitopolwa yawo.

Nando osipana ndjika oyili yapewa omudheuli otaya ulike yena onkayi yiilongitho yomaudhano oshoka mbyoka yilipo oyili ya kulupa na inayi gwana.

LEAVE A REPLY

Please enter your comment!
Please enter your name here