Oteya  apititha ishewe okavidio okatitatu

0
238

WINDHOEK-Omuhikingalo omukiintu gwoongalo dho Afro Pop no House, Daphne Willbard, atseyika nawa nedhina Oteya, osho ishewe a pititha okavidio ke okatitatu kedhina Love Dance.

Okavidio haka okali ka thaanekelwa moLuderitz kehangano lyoongalo lyOgopa Butterfly, pethimbo Oteya ali ta imbi koshituthi shoMakolofishi shokomumvo nuumvo. Okangalo ota ka popi kombinga yohole, nook kamwe kaamboka uuwanawa lela moalubuma.

Oteya natango okuuka komeho, okuza nkene ali  a nyanyudha aapulakeni, sho a pititha oalubuma ye yotango yedhina Ethimbo, omvula yaziko.

Moalubuma muka okwali ishewe athaanekemo okangalo kedhina Simoni, koludhi lwoHouse hoka kena etumwalaka tali tungu nota ka longo aantu nkene yena okukalekapo aaholike yawo noku ya sila oshimpwiyu.

Oalubuma Ethimbo onkene  tayi dhana onkandangala okuza uule wethimbo efupi konima ashike sho yali ya pitithwa omvula ya ziko. Ongalo Ethimbo ndjoka yalukilwa oalubuma oyo ishewe yimwe ya tula Oteya pamuthika gwopombanda no ya ka kala noku ulikwa kooradio dhomuzizimbe dhomoshilongo ngaashi kopolohalama yoNBC Watagwana, osho woo oonkwawo dhopondje yoshilongo. Kakele ashike kuungalo mboka wa Oteya wuli pomuthika gwopombanda, ye okwa kala noku ulika uunongo we mpaka naampeyaka sho a kala ta imbi pomahala ogendji gomainyanyudho nopiituthi ya yoolokathana.

LEAVE A REPLY

Please enter your comment!
Please enter your name here