Peter ondume yomomufitu: Eilongekidho okuya kehala lyolugodhi

0
346

Otwa li twa hala okuuva nawa okuza kookommanda yetu konima sho mbaka ya galuka koonkundathana.Ihe shoka twali tu wete tashi ketu nyanyudha okuuva kutya uuna tse tatu tuminwa moNamibia oku ka kondjitha aakwiita yomukolonyeki.Pethimbo twa kala twa tegelela otwa kala tuna omaipulo kutya ngaaka yamwe otwa tokola oku ka tsakaneka aakwiita mboka ye na owino owindji kombinga yiita. Manga tatu popi nayo otwa ithanwa opo tu gongale pehalandjandja okulombwelwa shoka tashi landuko, shika osha li sha ningwa kuKommanda gwokamba ndjoka, opo konima yokathimbo opwa ka holoka okommanda yetu a ende pamwe nokomanda yokamba ndjoka mwaamboka mwa li mwa kwatelwa Kommanda Kenyatta na Hailwa Ruben Danger Ashipala.

Kommanda gwokamba ngoka iniipopya kedhina okwe tu taamba  moshitopolwa shoka nokwa uvaneke kutya yamwe yomutse otaya ka tsikila ondjila oku ya komatanga getu hoka tuna oku ka longela.Omanga yamwe yetu otaya kala noku longela okuza mokamba ndjoka sigo uuna ndoka pwa ningwa ishewe etokolo limwe.

Kommanda nguka okwa tsikile  noku fatulula kutya otwa thiki mokamba ndjoka pethimbo PLAN ya tameke iiponokela  meni lyoshilongo. Okwa tanga aakwiita mboka sho yadhipaga aakwiita aakolonyeki opamwe nomakakunya pethimbo lyomahomono ngoka  ga ningilwa meni lyoshilongo. Okwa popi nomukumo kombinga  yompumbwe yokukala aakwiita tuna elandulathano  lili mokati ketu.Okwa ti shoka osha pumbiwa opo tu kale shili aakwiita tatu gandja oshiholelwa oshiwanawa ethimbo kehe. Okwa endulula ishewe kutya oshinima shukwamuhoko osha pumbwa okweethiwa oshowo omadhiladhilo kehe ganika uukoloni.

Okwe tu kumike opo tse atuhe tu taambeko ombepo yuuhailwa. Okwe tu yethile wo kombinga yooveta nomalandulathano  meni lyokamba. Shoka twa tegelelwa okuninga naashoka twaana oku ninga. Pethimbo komanda a lit a popi omutima gwandje ogwa kala tagu dhenge tagu endelele oshoka ondjodhi yandje yoku ka kondja opo ndi mangulule oshilongo shetu oya li popepi noku gwanithwa. Otandi zimine kutya onda li nda fuuka keholokepo lya Kommanda oshowo omukalo ngoka etu popitha nago. Shika osha dhimbulukitha ndje ethimbo ndyoka sho twa li twa tsakaneke lwotango aakwiita yekondjelomanguluko pOmakondo. Oshowo ishewe ethimbo ndyoka twa li twa kondjo olugodhi lwotango okudhenga Unita pOshitumba. Molugodhi ndoka omo nda mona lwotango omudhimba gwomuntu  ga Unita tagu fikwapo oshowo omo nda mona omukwiita gwoPLAN a dhipagwa. Nonando iiningwanima mbika onde y dhimbulukwa ethimbo mbika kaya li tayi nyenyetele omaiyuvo gandje nenge andola yi simpike ehalo lyandje okuka kondjele shoka shili mondjila noshopauyuki.

Konima sho kommanda a zipo putse ongundu onene yaakwiita oye ya putse .

Pompito ndjika otwa kala tatu papatelathana  tatu yolo sho aakwiita mboka ya lwa nale iita yali taya popi  natse mboka twa li opo tuuka kehala lyolugodhi.Aakwiita yamwe oya li ya zala omizalo dhaa kwiita ya South Africa okuulika kutya oya dhipaga aakwiita yomukolonyeki noku yugako oondjembo oshowo oonguwo.

Komatango gesiku ndyoka otwa li twa lombwelwa opo tu lundulukepo pehala mpoka twa li hatulala tu ka kale pehala lilwe epe mokamba omo tuu moka. Mpoka otwa tameke okufula omahala getu goku kala ano guuholameno noku tegelela okupewa omalombwelo galwe.

LEAVE A REPLY

Please enter your comment!
Please enter your name here