Uukadhona kohi yoomvula 14 wiimangeleke

1
309

ONGWEDIVA- Aakwashigwana yomoshitopolwa shaMusati oya haluthwa keso lyaanona yosikola aakadhona, mboka yi imangeleke oshiwike sha ziko.

Moshikandjohogololo shaKahao omwali mwa lopotwa oshiningwanima sho ka kadhona koomvula 12 hoka ka imangeleke noshilapi shomothingo  momugongo mepya lyaandjawo.

Oshiningwanima shika oshaningwa mOlyomakaya ga ziko, pomukunda Onaniki mOtamanzi nomudhimba ogwali gwa itsuwa gwa endjelela ko kanona kaandjawo koomvula hamano.

Justina Ndapanda Shilongo okwa li omunasikola posikola Etilyasa  mOngandjera mpoka ali eli mondondo ontiheyali.

Omudhimba gwaShilongo ogwali gwiitsuwa potundi ontimulongo nayimwe yongula na shika oshali sha halutha aanamukunda yomoNaniki.

Momusati tuu tuu moka, moshitopolwa shUukwaluudhi omwali mwa lopotwa natango eso lyokanona kosikola kokakadhona kokomukunda Oshilemba.

Opolisi oyati kutya okanona koomvula 13mokali ka lopotwa ka imangeleka nongodhi momuti guli popepi negumbo.

Aina Shoombe okwali a hokolwa kutya  okwali i ikutha omwenyo metitatu lya ziko, ashike oshi etithi she imangeleko kashi shiwike oshoka ina thiga po okambapila hoka taka popi sha.

Shoombe  okuna oomvula omulongo nandatu na okwali omunasikola posikola Oshilemba mpoka ali eli mondondo ontihetatu.

Omudhimba gwe ogwali gwa itsuwa kaanegumbo lyaandjawo.  Ethimbo lyoshiningwanima kali shiwike ihe omudhimba ogwali gwi itsuwa pomulongo gwongula.

Opolisi yaMusati oya koleke oshiningwanima shika na oyati aakwanezimo ayehe yopaali oya tseyithilwa nale. Omakonaakono gopolisi  miiningwanima mbika yopaali otaga tsikile

 

1 COMMENT

  1. Yakwetu aatoolinkundana yoshifo Kundana ilongeni okutopola iitya mondjila. Iinyolwa yeni oyu udha unene omapuko metopolo lyiitya. Can I come and work as an editor?

LEAVE A REPLY

Please enter your comment!
Please enter your name here