Yandeni okulandithila moopate

0
241

OSHIVELO – Opolisi moshitopolwa shaShikoto oyali ya koneke yamwe yomaavali taya landithitha aanona aashona pethimbo lyosikola,na wumwe womuunona owa konekiwa wa etha osikola omolwaasho tawu tumwa wu ka landithe pooha noopate. Oyali woo ya koneke aalandithi mboka haya halithile uunene moopate.

Omukwatakanithi gopolisi noshigwana  moshitopolwa shaShikoto Stefan Nuuyi petameko lyoshiwike shika okwali a kunkilile aavali mboka , opo ya tume aanona komanongelo wo wu ethepo okulanditha oshoka uushona natango.

Aalandithi mboka oya konekiwa unene yeli pomidhingoloko dhOshivelo, Casablanca, Omutsegonime oshowo lwopIikunino. Nuuyi tati oyendji ohaya kala taya landitha omandini gomahini, oomboga nayilwe. “ Yamwe yomaalandithi mbaka ohaya kala taya thindile aantu mboka taya endepo iilandithomwa yawo shono sha nika oshiponga nayi oshoka omuntu thimbolimwe oto iyendele noondjila dhoye ngwee oto thindilwa owala iinima ngwee to kondekwa nena ku nawe mpoka to piti,’ Nuuyi ta gwedhapo ngaaka.

Okwa indile aahalithi ayehe ya kale yeli kokule nopate opo ya yande iiponga inaayi tegelelwa,yo ya yande oku landitha iinima yawo komayulu gaantu, tati omuntu na lande tashi zi kehalo lye ashike ina thiminikilwa oshima ineeshi hala. Te ya indile woo ya landithe pamukalo gopauyuuki, yo ya kale yena iinima ya yogoka.

Aalandithi oyendji oya konekiwa anuwa haya landithile unene moopate nongele iiyenditho tayi endepo ohaya matukile moopate moka, taya indilwa ya kale haya tege iiyenditho yi kankame nawa , yo taya kala aluhe taya landithile kokule nopate opo iiyenditho sho tayi endepo kaayi ete iiponga .

Okwa gwedhako kutya kehe omuvali ngoka ta ka adhika ta landithitha okanona kosikola otaka kala a katukilwa onkatu mbala , tati naya kale haya landitha yoyene  manga uunona wa tumwa kosikola wu ka mone elongo ndyoka lili oshipatululo shonkalamwenyo yawo. Ye te yatsu omukumo yi iyuthe koompango nokomalandulathano ngoka ga tulwapo kopolisi, yo ya kalekepo ombili.

 

 

 

LEAVE A REPLY

Please enter your comment!
Please enter your name here