Young T a thaneke okavidio Ehaka

0
556

WINDHOEK-Omwiimbi omugundjuka gwoongalo dhoHip Hop, Tulina Ndafyalako, a tseyika nawa nedhina Young T, osho a pititha  okavidio ke okapeepeka kedhina Ehaka, oshiwike sha piti.

Okavidio hano oko kamwe taka popiwa kaaNamibia oyendji ka ningwa nuudhigini unene komuhikingalo omushona.

Ngashingeyi Ehaka okeli nokuli ta ke shi enditha nawa koopologalama dhoRadio yomuzizimbe yaNamibia (NBC), unene ko Whatagwan, osho wo komapandja ga yoolokathana goInternet ngaashi Facebook noYou Tube.

Okangalo Ehaka okaza moalubuma ya Young T yotango yedhina Philosophical Page, ndjoka yapitile omvula yaziko.

Oalubuma ndjika oyo yimwe ya etitha opo Young T a kale gumwe  gwomaahikingalo aashona dhingi, naamboka ya kwatako ehangano lyoongalo moNamibia.

Young T okwa valelwa nokwakokela monooli yoshilongo, momukunda Ongha. Moshilando shaVenduka okwa holokelemo mo2009, moka a tameke nokuli oku ninga oongalo dhe pamwe naahikingalo ooyakwawo aashona.

Oalubuma ya Young T ndjoka yina ehwata lyoongalo 18, otamu adhika oongalo ndhoka dha tsa ngaashi The Philosopher, Epanda naEhaka mboka wa imbwa nawa melaka lyOshiwambo, okutumbulapo ashike wumwe.

LEAVE A REPLY

Please enter your comment!
Please enter your name here