Aabokisi ya bokisa kOkalongo oyeli mompumbwe yoshimaliwa

0
191

OKALONGO-Okalaba yaadhengingonyo yomoShoopala mOshakati ya tseyika nawa Kilimanjaro oyali ya unganeke uudhano wawo wopamuthika guuyuni ehuuliloshiwike lyazako mondolopa yaKalongo.

Nando okalaba ndjika oyili shili tayi kondjo oku humitha iitalenti yaanyanyamagulu komeho noku ya kuthamo momapandaanda oyendji yomaadhengingonyo mokalaba ndjika oyeli taya nana noNdatu mondjila yawo yokuhumitha uudhano wawo pamuthika.

Shika oshali sha etwa puuyelele ku Immanuel Munganjela ngoka oye enyakwa dhingi muudhano mboka wali koKalongo .

Mungandjela okwati okuahala noku halelela okutameka hadhanene omapaya ashike, shoka shi li mondjila ye olyo endangalati lyoshimaliwa.

Mungandjela otati ngele okwa mono omukwashilipaleki ita ka ongaonga oshoka otaka konga olugodhi ndoka ta ka lwila epaya oshoka nomimvo otadhi yi.

Mungandjela okwali a dhengemo Jason Mashela mpeyaka pehalandjandja lyOsikola ya Lukas Dama Primary School konima sho ali emupe yimwe nomiiyagaya medhingoloko etitano.

“Omukundu nguka inagu taalela ashike Mungandjela oye awike ogwa taalela aamati oyendji haya idheulile obokisa koNooli” Mungandjela tati.

Onkene otandi indile kehe ngo wuna oshigwana komutima opo wu tu kwathele omanga etango inaali toka.

Joseph Benhard na ye okwa li eshi koleke tati ngele aamati mbaka oya kwathelwa otaya ka etamo omasindano ogendji moshilongo.

Tati uudhano mbuka owuli wuholike kaantu oyendji moshilongo yo naanyanyamagulu oyendji oyeli hayeshi enditha nawa shivule momaudhano galwe.

Kapena Naidjala oye gumwe wo gwomaabokisi yena iitalenti naye okwali wo abokisa kOkalongo hoka ali adhengemo Kennedy Kamati niitsa.

Ashike opuna aanangeshefa mboka ya tokola okuyambulapo omaudhano ngaashi Ongeshefa yo Baby Face Company ndjoka oyo yali ya kwashilipaleke uudhano mbuka.

Uudhano mbuka opwali omuholi guudhano mbuka naangoka ali nale kansela gwaKalongo tatekulu John Hakaye, ngoka ali atsu aamati omukumo opo ya kondje yiitulamo nando yeli monkalo yanika oluhepo.

LEAVE A REPLY

Please enter your comment!
Please enter your name here