Omudhengingonyo  a kukuta ndele ngame okapopyoko

0
267

WINDHOEK –“Kombinga yo nakuyiwa yandje kandina ko ohapu yasha okutya ngashingeyi, oshoka ondina omudheuli oshowo ongundu tayi longo noonkondo ndjoka oyo yi na oshinakugwantithwa okutala kutya otayi monene ndje shike. Shandje osho owala okutsikila nokulonga nuudhiginini mokukala mongulu yoku idheula oshowo okuyelutha epandela lya Namibia pombanda’.

Ngaka omatumbulo genyakwa epe lya Namibia mondjundo yoContinental Africa Featherweight yolutu lwoongonyo lwo International Boxing Federation (IBF) Sakaria ‘Desert Storm’ Lukas,ngoka ati esindano lye kombanda yomukondjithi gwe omuTanzanian Issa Nampepeche olyo etameko lyiinima iinene niiwanawa ta yi ya.

Omudhengingonyo gwoongonyo tadhi ehameke dho odheendelela  oye mwene gwepaya liholike mondjundo yofeatherweight yolutu lwoongonyo lwo IBF Continental Africa Featherweight konima sho a dhengemo omukondjithi gwe Nampepeche medhingoloko etiheyali mokuthendula yimwe nopevi. Esindano ndika okwe li mono molugodhi lwali lwa tsimika ontsi kombanda yomeya mohotela pondje yoVenduka, yoWindhoek Country Club Resort & Casino Olyomakaya ga piti.

“Omukondjithi gwandje omumbokisi omwaanawa nokwi ile iilongekidha pomuthika omwaanawa ndele uunene wandje neilongekidho lyandje olyali li vule pulye naandika olyo lya eta eyooloko pokati ketu naye. Ngame onda li nda hala epaya ndyoka dhoshili onkene omuhingo ngoka nda kondjo nago ogwa ulike shili kutya ongame ndali ndina okupewa epaya ndyoka konima sho uudhano wa thiki pehulilo.” Osho Lukas a ti.

“Olugodhi lwOlyomakaya olwa li oshilonga shalongwa nawa , ngashingeyi ngame otandi shuna kongulu yomadhewo okulonga nuudhiginini oshowo nondunge,’.

 

LEAVE A REPLY

Please enter your comment!
Please enter your name here