PescaNova FC oye enyakwa moudano wemanguluko

0
209

Luderitz – Ospana yetanga lo keemhadi PescaNova oyo yafindana po oudano oo wa li wa danwa mOlomakaya laya.

Oudano owali wa unganekwa kombelewa ya Kansela woshikandjo hoololo sha !Nami#nus, opo oudano watya ngaha ushambule ovakalimo vomoshikandjo hoololo mefiku olo, oshikandjohoololo sha !Nami#nus sha tyapula noku dimbuluka Namibia eshi awanifa omido 25 amanguluka.

Eespana dili nhee odali dakufa ombinga moudano woludi eli omo PescaNova FC a dengamo Man United FC 1 mo 0, omanga Atlanta Bucks FC a dengamo  Navy FC 5 mu 0.

Oiti oya kateka nee eshi Pescanova FC vaya kedingonoko laxuunina vo na Atlanta Bucks FC, omoPescanova afindanapo oudano eshi atulamo eekoola 3 omanga oBucks ya tulamo okoola imwe.

Oudano owali monghalo iwa novakalimo vomoshikandjohoololo ova li va shambukwa eshi vamana okudimbuluka nokulya eendja odo dali da longekidilwa efiku  lemanguluko loshilongo sha manguluka omido 25. Konima yedimbuluko lefiku ovaholi voudano ova kala pokapale ketanga opo vatale oudano wokatanga ko keemhadi.

LEAVE A REPLY

Please enter your comment!
Please enter your name here