A pya pamupya

0
233

ONGWEDIVA – Omunailonga mekulo lopolifi mOshakati okwa kwatelwa meembete, a mona oshiponga shinyanyalifa, eshi a pya komunghoka omanga a li moilonga.

Oshiponga eshi sha ningwa  Omaandaxa oshivike eshi, eshi omunailonga mekulo omukainhu womido 48, a tikila omunghoka, omhanga a li ta kendabala okutenhula ombiya kefiya.

Otaku hokololwa kutya omunailonga oukwa ya omufenu nokupunduka, oshi sha eta opo ombiya itenguke. Omukainhu ou, okwa twa ongolo noku li kwa telela momunghoka oo wa tikila pedu.

Ehokololo eli ola kolekwa komunambelewa omukwateli komesho wopolifi yoshitukulwa shaShana, omukulunhu womatanga opolifi Ndahangwapo Kashihakumwa.

Kommissiona Kashihakumwa okwa koleka kutya, omunailonga ou okwa pya keenyala meengolo domaoko nodokomaulu. Ta ti konima yoshiningwanima okwa findikilwa meendelelo koshipangelo shaShakati noko a tambulwa meembete.

Ta weda po kutya, oshiponga sholudi eli nande olo lwotete tashi ningwa mekulo lopolifi osha ningwa pamupya.

Ashike ovanailonga kekulo tava yandje oushima kewiliko kutya ohava longo vehe na oilongifo yeameno yelixwa po ngaashi eenghaku dokuli amena. Tava ti opena omhumbwe yoiwapalekifi, ngaashi eefewa nomamopa osho hashi eta opo ekulo likale lina omufenu tau etwa komaadi taadilile moikulya ngaashi omhinghoka.

Ashike Kashihakumwa okwa yelifa kutya oukoshoki oo oshilalakanenwa shotete mekulo novakwateli komesho koshitukulwa sheteleko ohava fi oshisho okuyandja oilongifopamafiku a tulwapo novanailonga ova teelelwa va longife oilongifo va pewa ngaashi sha udafanwa . Modolongo yaShakati nande mwa wana eenghwate 300, omwa idililwa eenghwate da koya po400. Omunailonga ina hala ku tumbulwa kedina ota ti xwepo moshipangelo shaShakati.

LEAVE A REPLY

Please enter your comment!
Please enter your name here