Quado a pititha okavidio “Kwata Mukweni”

0
218

WINDHOEK-Omuimbi omugundjuka Moses “Quado” Shikalepo gwoomvula 26, osho a pititha ishewe okavidio ke kedhina Kwata Mukweni, hoka keli ngashingeyi ta ka inyenge nawa mewangandjo.

Okavidio haka okaza moalubuma yaQuado yedhina Move On, ndjoka opo ya pitile pehulilo lyomwedhi gwaziko. Okavidio ota ka popi kombinga yohole, nonkene aantu yena oku kala ye holathane, nga omuntu namumwaina.

Quado omvalele yomoKwanza-Sul muAngola, ngoka a tamekele oshitalenti she shokwiimba mo2010, moka a li a tsakanene nomuningi gwomikwelengendjo dhoongalo dhe a tseyika nawa Mr. Chano.

Moalubuma ya Quado oomoka muna oongalo dhatsa nawa, mwa kwatelwa ndjoka ishewe tayi tanga Dr. Sam Nujoma, yili ponomola ontimulongo (10).  Quado okwati, ota pandula omuningi gwomayimbilo ge omushona Young-T, ngoka emu kwathela noonkondo adhihe mokuninga omayimbilo ge omugoyi (9), taga adhika moalubuma ye.

Moalubuma omuna ishewe okangalo hoka ta ka nyuwitha omakutsi taka ithanwa Move On, kalukilwa edhina lyoalubuma, no ta kwathelwa kOmusamane Niihana. Otati mokangalo muka ota popi kombinga yonkalamwenyo ye, ondjila ndjoka a enda, na nkene ali a mono iihuna, mokukoka kwe unene sho He ali a hulitha momumvo 1996, manga ye ali omushona.

Okangalo hoka keli ponomola ontiheyali (7) ota kati “Oshike” oko kasimana unene oshoka otaka popi kombinga yomadhipago ngoka taga ningilwa aakiintu mongashingeyi.

LEAVE A REPLY

Please enter your comment!
Please enter your name here