Uudhano wOpolisi wa egululwa pambelewa

0
202

OSHAKATI-Omupevi Minista goShikondo shEgameno lyoshigwana omusimanekwa Daniel Kashikola okwa li a patulula uudhano wopolisi mboka   ta wu dhanenwa moshitopolwa shaShana peha lyomusimanekwa(Majora Ndjaiyi moshipundi shevululuko  Charles Namoloh ngoka oye Ominista yEgameno nePopilo lyoshilongo.

Moshipopiwa she shepatululo Kashikola okwa li a kombo kombunda Uuministeli wegameno sho wali gandja oshipambu shomutengenekwafaneko gwawo gwiimaliwa komaudhano.

Tati shika otashi ulike kutya omaudhano ogo oshinima sha simana monkalamwenyo yomuntu, oshoka ohaga nawapeke omutungilo gomalutu gaantu noku yanda uuvu.

Okwa ti oompito ndhika odha simana unene tuu sho aapolisi yaza kiitopolwa ayihe 14 yoshilongo ha ye ya pamwe medhina lyiikwamaudhano , ta ti ndjika oyili ompito ombwaanwa okutopolelathana uunongo uupe moku kondjitha iimbuluma moshilongo.

Okwa kumike ayehe mboka taya kutha ombinga muudhano mbuka opo ye ke shininge mombepo yuumwayinathana noyohole.

Omupeviminista tati okuna omukumo kutya okangundu hoka taka ka hogolola oosipana ndhoka tadhi ka kalelapo Namibia kuudhano wo SARPCCO ota ka kah ogolola aamati naakadhona mboka yapyokoka opo ya ka kalelepo Namibia ko Swaziland kuyele nuumvo.

Omukuluntu gwopolisi Leitenanda Ndjayi  Sebastien Deitunga okwati elalakano lyuudhano mbuka olyo okuhogolola aamati naakadhona mboka taya ka kalelapo oshitunda Namibia kuudhano wo SARpCCO nokweshi koleke kutya uudhano ota wu ka kalako koshitunda Swaziland.

Onkene okwa kumike aadhani opo yiitulemo opo ku monikwe iitalenti mbyoka tayi ka kalelapo oshitunda Namibia.

Okwa kumagidha wo aadhani opo yi ikaleke kokule niinima mbyoka tayi vulu oku hanagulapo omalutu gawo nokuteyapo ombepo yomaudhano.

Ndeitunga okwa pandula wo epngelo sho lya li lye ya pe oshimaliwa opo ya hololepo uudhano mbuka.

Pepatululo opwali pwa kalwa wo kaanambelewa aakuluntu yopolisi opamwe nangoloneya gwa Shana omusimanekwa Clemence Kashuupulwa.

LEAVE A REPLY

Please enter your comment!
Please enter your name here