Ya lulilwa koondhi tadhi zi kofaalama yoondjuhwa

0
229

OSHIKANGO-Aakalimo yomOnhuno moshitopolwa shaHangwena oya lulilwa koondhi ndhoka tadhi etwa konyata yondjuhwa ndjoka hayi hukulilwa popepi noprojeka yoondjuhwa ndjoka yili pehala mpoka.

Aakalimo mbaka oya ti ngashingeyi ihaya li we iikulya yawo noomwenyo dha yogoka oshoka oondhi odhili ashike kehe pamwe.

“Oondhi ndhika odhindji uunene, kadhina mpoka kaa dhili, miikulya nomiikunwa omuntu kushi kutya oto dhi keelele ngiini,” omukwashigwana gumwe ati ngaaka.

Nonando aakwashigwana mbaka ina ya hala okutumblwa komadhina nelalakano okuyanda omaipumo mumwe oya ti kutya otashi kala oshiwanawa ngele mwene gwopolojeka ndjika a tembuthapo onyata ndjoka mpoka.

Ashike mwene gwopolojeka ndjika yoondjuhwa ndhoka dhi vulithe pomayovi gane, Silvanus Hamon okwati uuyogoki owa pumbiwa shili na okuli ta kambadhala oku wu kalekapo.

“Aluhe ohandi mbestele omiti koshilongo shopuushiinda South Afrika ndhoka dhina oonkondo okupitila mehangano lyoSona Golden ndyoka lili koKahandja,” Hamon ati ngaaka.

Haman okwati ehalo lyokutembutha po onyata ndjoka mpoka okuna ashike konyala kehe ehala moHangwena olina aantu na oku wete kutya uupyakadhi otawu kala ashike wa faathana.

Okwa hokolola woo kutya elalakano lyo ku hukulila onyata mpoka oku aaneka uuhoho mboka ha landitha kaanafalama kondando yili pevi lela na owuna aalandi yeli nawa.

Uuhoho ohewu aneke te wu tula mooshako dho 50kg ndhoka ha landitha koondola omilongo ne.

“ Ngele uuhoho mboka ondewu fala kegumbo nena naamboka yokegumbo otaya ka nyenyeta shithike pamwe naambaka,” ati ngaaka.

Ashike okwa koleke kutya oondhi ohadhi kala aluhe dha hapupala pethimbo lyomvula ihe oha ningi onkambadhala oku dhipaga omayi noondhi dhodhene shoka tashi pula okathimbo.

Oprojeka ndjika ngashingeyi oyina oomvula ntano noondjuhwa dhi vulithe pomayovi gane.

LEAVE A REPLY

Please enter your comment!
Please enter your name here