African Stars oye enyakwa lyoliha yaMTC Premiership

0
239

WINDHOEK – Ospana yetanga lyokoompadhi osimani moKatutura ,yedhina African Stars oya kuthako ospana yoBlack Africa kolukalwapaneglo lwoliha yo MTC Premiership momukalo omwaanawa omumvo guudhano ngoka tagu hulu omwedhi nguka.

Stars oya zalekwa oshishani shuunyakwa ye na ko natango uudhano wumwe okudhana konima sho ospana tayi dheulwa ku Woody Jacobs ya li ya dhengemo ospana yo Rebels ndjoka ya shuna koFirst Division nookoola ne monola muudhano mboka wa li weendekela ombinga pokapale ka  Sam Nujoma Stadium Osoondaha ya piti.

Omutulimo gwookoola ngoka hedhi tulamo nuukeka gwoAfrican Stars, Asprilla Wermann oye a tulamo ookoola ndatu pethimbo lyuudhano mbuka ye omudhani omukwashigwana gwaZimbabwe ,Godwin Jena ta thangelemo etanga lya hugunina nokutula ookoola dhospana ndjika pookoola ne. Ospana ndjika oya dhana nonyanya konima sho ya li ya dhengwa kospana yoTigers Olyomakaya.

The Reds ngaashi ospana ndjika hayi ithanwa oyi ilongele esindano ndika oshoka oyo ya kala kombanda yoliha ya MTC uule womumvo guudhano auhe woshikako shuudhano shomumvo 2014/2015.

Stars okwiikanyuna okukala a dhengwa sha landulathana  moku kanitha omakopi miikaha yaatondi ye yaaluhe yOrlando Pirates noTigers. African Stars okuna wo ompito okusindanapo ekopi lyoBidvest Cup Olyomakaya ndjika sho taya ka tsakanena noTigers medhingoloko lya hugunina.

The Reds oye a kwatele komeho mokutulamo okoola muudhano wawo noTigers sho omudhani gwokonima Tinkler Kahua a tulamo okoola yotango, ihe eyokomeho ndika olya ka hulithwapo  kokoola ndjoka Tigers a tulilwamo ku Letu Shatimuene’ omanga okoola yopaumwene inaa yi tulwamo ku Freedom Puriza gwo African Stars ndjoka ya gandja esindano ku  Tigers a sindana nookoola 2-1.

Momaudhano galwe Black Africa okwa dhana shithike pamwe  onola monola nospana yo Civics omanga ospana yo Tigers ya dhengwa ookoola 2-1 kospana ya Tura Magic.

Ospana yaUnam naandjoka ya Citizens odha dhana wo shithike pamwe okoola yimwe mu yimwe, omanga Blue Waters okwa zi konima  konyala a dhengwa sho a tulamo okoola mbali nokuthika pamwe nospana yoTouch and Go yokOtavi.

Konima yoku tameka nawa uudhano wawo moliha yopombanda ospana onene yokomunkulofuta yo Eleven Arrows otayi kwata oohi momeya taga vindauka ya taalela oku gwa pevi okuya koFirts Division konima yoku dhengwa inaa shi tegelelwa  kospana yoTouch and Go oshowo kospana yoBenfica ndjoka ya shuna nale koliha yopevi momumvo guudhano nguka.

Etegameno lyospana ya FNB Orlando Pirates’ okukala oyo ya landula mwaandjoka yili pombanda olya kanapo konima sho ndjika ya li ya kanitha iitsa iyali ya simana sho ya dhana shithike pamwe nospana yopevi yedhina United Stars. Mighty Gunners okwa kwashilipaleke ehala lye moliha yopombanda sho a dhenge United Stars ookoola 3-1.

 

LEAVE A REPLY

Please enter your comment!
Please enter your name here