Ama Daz Floor natango ota longo nuudhiginini

0
269

SWAKOPMUND-Ongundu ndjoka hayi imbi oongalo dho Afro Pop noKwaito, yomakanda  gane ngaashi Zulu Boy, Anchux, Doctie naSixa, yedhina ayehe kumwe Ama Daz Floor, onkene ta yi humu komeho ngele tashiya moshipewa shawo shoongalo.

Omasiku hamale gapiti, aayimbi mbaka oya pititha nale okavidio kawo okatiyali, kedhina Ndekupumbwa, hoka ta ke shi enditha nawa komapandja gokointaneta, no ta ka tangwa koyendji ngaashi koFacebook, You Tube no koTwitter.

Ndekupumbwa ongalo ndjoka tayi popi kombinga yohole, nokaviidio ota ka dhana onkandangala kombinga ndjoka.

Ongundu ndjika Ama Daz Floor onkene natango tayi longo nuudhiginini ngele tashiya moongalo, okuza ngaa esiku ya pititha oalubuma yawo yotango yedhina Mwakala Nale, ndjoka tayi inyenge konyala momadjukudjuku gomomalukanda gaVenduka, Swakopmund nokiitopolwa mbyoka ya li ha yi ithanwa nale Owambo.

Moalubuma yawo moka muna oongalo 18, Ama Daz Floor oya kwathelwa kaahikingalo ngaashi Tate Buti, Kamati, Yashe Tati Pii, Omakanda, Monique, Tafandji na Anna Batwana.

Oongalo ngaashi Mwakala Nale, Iilonga, ne Eduwa odhimwe tadhi etitha oonkondo moalubuma.

Ongalo yawo Johnny, nayo otayi inyenge nawa noonkondo adhihe. Ngaashingeyi ota ya ilongekidha oku ka pititha oalubuma yawo ontiyali mbala nuumvo.

LEAVE A REPLY

Please enter your comment!
Please enter your name here