ELCIN okwa pumbwa ovafita vahapu

0
241

ONIIMWANDI –Nonando Ongerki yEvangeli paLutheri moNamibia [ELCIN] oya yapula ongudu yovafita 17 oshilonga shoufita, onghene ngoo natango ya pumbwa omuvalu wa wedwapo wovayakuli ava.

ELCIN okwa yapula ongundu yovafita 17 ovo va hongwa oshilonga shoufita kEngela moshitukulwa shaHangwena oule womido mbali. Ovayakuli ava ova pelwe oshinakuwanifwa okulifa eedi dOmwene, omwedi wa djako. Eyapulo eli eti 53 mondjokonona ya ELCIN ola li la kwatelwa komesho kOmumboshofi Omundohotola Vaino V Nambala osho yo Omumbishofi Omundohotola Veikko Munyika. Oshiviloyapulo eshi osha ningilwa peongalo laNiimwandi moshitopolwa Oshana.

Ovo va yapulilwa oshilonga eshi ova kala tava nongekwa oule weedula mbali molwaashi vahapu vomuvo ovahongwa nale oshilonga shoudiakoni onghene ova li ashike va pumbwa efimbo lixupi okulongwa opo va ye pondodo youfita.

Eyapulo lovafita eli eti- 53 mondjokonona yeyapulo lovafita mongerki yaELCIN ola nana ongudu inene yovakelefiti, ovafita ovawiliki novakwateli komesho vomaongalo novakwashiwana.

Ongudu yovayapulwa oya deulwa oule weedula mbali kakele ovafita ava ova kala nale moshilongatumo nova mwene omadeulo opaudiakoni. Ova longa momaongalo nokuyapulilwa oshilonga eshi nova kandula po omhumbwe yovafita mongerki yaELCIN.

Vahapu nande va nangekwa komaongalo natango epyatumo ola tilyana. Ovabisofi vongerki yaELCIN Omubisofi Omukulunhu Omundokotola Vaino V Nambala Omukwateli komesho wOshikandjongeleki koushilo nOmubisofi wOshikandjogeleki kOuninginino Omundokotola r Veikko Munjika ova kwatela komesho ongudu yovafita okuya moshiviloyapulo.

LEAVE A REPLY

Please enter your comment!
Please enter your name here