Gazza naOteya oyo ya li dhingi poNamas

0
231

SWAKOPMUND – Lazarus Shiimi, ngoka a tseyika nawa nedhina Gazza na Dephne Willibard a tseyika nedhina lye lyokuhika oongalo Oteya oyo yali aasindani aanene yokomuvomvo naashika oshali sha nyanyudha aaholi yoongalo. Gazza okwali asindana po ekopi lyomuhikingalo dhingi omulumentu moNamibia, Best Collaboration no Radio Song of the Year, nokangalo ke Shuna, ta kwathelwa kongundu yoUhuru na DJ Bucks, omanga Oteya a li a sindana onga omuhikingalo dhingi omukiintu, a sindana nokangalo ke, Chiporoporo ta kwathelwa kuSwartBaster.

Olweetho olutitano lwokugandja omapapa kaahikingalo dhingi moNamibia (Namas), ndoka lwali lwa ningilwa poIndoor Sport Centre ehulilo shiwike lyapiti olwa endele nawa. Megandjo ndika lyomakopi kaahikingalo mboka yalonga nawa omwali aahikingalo mboka ya longa nuudhiginini noya pandulwa moku pewa omakopi nomapandulo ogendji.

Aakadhona mboka taya endelele mehangano lyoongalo wedhina StarDust owa sindana muucategorie utatu ngaashi Best Reggae, nokangalo kawo Calling on you, Best Duo/Group, nomoBest House nokangalo, Light. StarDust ongundu yaahikingalo ya dhikwapo ku, kuMuni Hoveka naBreanna Kandanga, oya holola ishewe enyanyu lyawo onga aakadhona dhingi opo ye ya moshimpungu shokuhika oongalo.

Aahikingalo ooyakwao ongaashi Paradox, ngoka ayi nepapa lyOmuhikingalo ena omikalo gwokomuvo, Omuhikingalo eshiwike nawa gwokomuvo noshowo okangalo dhingi kokomuvo, nokangalo kawo  Chasin, taya kwathelwa ku Ali That Dude.

Okwa sindanapo ishewe oBest Afro-Pop nokangalo ‘Ethimbo’.

Okavidio dhingi okayi ku Black Vulcanite, nokangalo ke  ‘Big Egos’ ta kwathelwa kuRuby Burton. Egandjo ndika lyomapapa okwali lyatopolwa muusiku uyali, Etitano nOlyomakaya. Oshiindingili oshali ishewe tashi ulikwa koTv yoNBC kwaamboka inaa ya mona ompito yokuya kefuta.

Aatali oyali ishewe ya nyanyudhwa nomainyanyudho ga yoolokathana ngoka ga gandjwa kaahikingalo ngaashi StarDust, Nianell, Riana Nell, Bullet Ya Kaoko, Tswazis naFemale Donkey.

LEAVE A REPLY

Please enter your comment!
Please enter your name here