Oshilyo shoSatanism sha holoka momhangu

2
339

OSHAKATI – Omukainhu umwe mOshakati okuli moshipangelo, eli monghalo ii, omanga mukwao, omunailonga pamwe naye a mona epango, eshi va dengaulwa nohamala komulumenhu vati eli oshilyo shongeleka yaSatana.

Omunamido 23 Clemen Hangula oo a dile komukunda Onambome mOshitukulwa shaMusati, nokwa holoka momangu yamangestrata waShakati mEtivali loshivike eshi, vati paife oku li modolongo teli hokolola kutya ye oshilyo shongeleka yaSatana vati ili mOshakati.

Komanda womatanga opolifi yaShana Commissiona Ndahangwapo Kashihakumwa, okwa ti, Hangula ou ina hala kutonga edina lomufita wavo, ashike okwa hokololela opolifi kutya yee okwa tumwa komufita waye a nwe ohonde.

Omulumenhu ou vati okwa hokololela opolifi kutya ye pamwe noilyo yongeleka yavo ohave li koleke neehonde dovanhu, nohava dulu yoo okutalela po oilongo, tava tuka itava longifa omikalo odo hadi longifwa kovanhu vakwao. Okwa yelifa mwene kutya, odula ya dja ko okwa ile pamwe nomufita waye koNigeria va longifa ombapila yoku dja moshilongo pamhumbwe yomeendelelo ponhele yokulongifa opassporta. Ko Nigeria oko, oko va deulwa okunwa ohonde yovanhu. Okwa lombwela opolifi kutya, shama pa holoka ekungu lohonde ohava longifa odi yoshikombo ilaula oyo haika nwa ohonde, nokonima yaaishe oyo aveshe ohava kumwa.

Osho sha eta opo Hangula eli hange konima yekumba, Kashihakumwa ota ti ongula inene pexulilo lomwedi wadjako potundi onhinano yongula, Hangula okwa ka konghola omunailonga omukainhu moJaneel Cash Loan pEtango Complex mOshakati, opo a li ha longele nale. Ashike eshi ina patululwa, lwopotundi onhihamano okwa ya koCash Loan ikwao poPiccadilly popepi nomatala aShakati opo a shakena poshivelo novanailonga ovakainhu vavali a hanga opo tava patulula ongeshefa. Eshi va patulula okwa pita a twila mumwe navo okuya meni. Okwa tameka nee vati ta dengaula omukainhu umwe ta ti okwe mu lopota kopolifi. Omukainhu ou vati okwe mu mbotaula komutwe nohamala oyo a li a homata. Lao linene omukainhu mukwao oka nofwela ko opolifi meendelelo. Opolifi vati oya hanga ta denge omukainhu omutivali. Vati petameko lomudo ou okwa pelwe omayovi N$20 000 koCash Loan e ke imbaange koFNB, ndele ine a twala ko, osho shali she mu kwatifa kopolifi, nokuholoka momhangu. Moshibofa osho okwa pelwe eli mbeelemo no N$500.

Kashihakumwa ta holola kutya, opolifi oya uda omahokololo ongeleka yosatanism ya totwa moWindhoek 2005. Ta ti Onghalo yoshiwana osho sha kondekwa komashongo omadipao mai efiku nefiku ota I limbililike. Kashihakumwa okwa pula oshiwana shi yandje ouyelele koiningwanima tai limbilike yoludi eli.

Okakadona ka dengwa tete ka mona oshiponga neenghono oke li moshipangelo shepangelo shaShakati.  Mangestalata okwa anya opo Hangula elifutile mo modolongo molwa oshibofa shedipao, moshibofa notaka holoka vali momangu momafiku 21 May.

2 COMMENTS

  1. taa! namibia lyetu! tila uuyuni tuli muwo nena. nge owuuvite nee omnhu mukweni womwenyo tali ohonde yomnhu mkwao…..tila tila tila. nde aanigeria ngaa ovo.. ovena eejuju dakindja. tala ashike uuafrikan movie nde nomonduda totila kukofelamo.

  2. Vakwetu omunhu na pulwe kutya Pastor olyelye oo, omambungu moipa yeedi tava longifa ashike edina lakalunga oinima yongaho.

LEAVE A REPLY

Please enter your comment!
Please enter your name here