Uudhano wUuministeli wElongo wa enda nawa mOshana

0
256

OSHAKATI-Iitopolwa yelongo yili 13 oyali ya gongala moshitopolwa shaShana muudhano mboka wali wa dhanwa muule wehuuliloshiwike lyaziko, sho uudhano mbuka hawu dhanwa aluhe komumvo wali wa galukile ishewe mondambo.

Kavango okwali adhengemo Oshana nookoola 2-0 medhingoloko lyahugunina ndyoka lyali lyadhanenwa mokapale kEmanguluko mOshakati.

Kavango okwali adhengemo Khomas molweendo lwe lwokuya kedhingoloko lyahugunina.

Oshana oshali sha dhengemo ngoka ali enyakwa lyuudhano mbuka omumvo gwo 2014 Omaheke koopelenti.

Oshitopolwa shaKavango oshali sha pewa ekopi, noombandi dhoshingoli omanga Oshana shali sheya pehala etiyali moka yali ya pewa oombandi dhoshisiliveli, omanga Khomas eya pehala etitatu nokupewa oombandi dhoshikushu.

Muudhano wetanga lyomokambamba Khomas okwali a dhengemo Omaheke 15-10 noku toolapo ekopi,noombandi dhoshingoli, omanga Omaheke gali gatoolapo ehala etiyali noombandi dhoshisiliveli.

Zambezi okwali adhengemo Omaheke muudhano woVolley momadhingoloko agehe gaali nokutoolapo ekopi noombandi dhoshingoli, omanga Omaheke gali ga kuthapo ehala etiyali noombandi dhoshisiliveli.

Uudhano mbuka owali wo wa mwenyekwa koshiindingili shokakadhona nokamati dhingi shoka shali sha sindanwapo ku Cornelius Abraham ongo omumati dhingi omanga Leena Ashipala oye ali akuthapo oshishani shomukadhona dhingi.

Shitenga Jeremiah gumwe gomaakwateli komeho yuudhano mbuka okwati uudhano owali wa ende nawa na kayali ya mono nando uupyakadhi washa.

“Otandi pandula okangundu longekidhi komOshana sho kali kalongo omutenya nuusiku opo tu adhe esindano mokuunganeka uudhano mbuka”,Shitenga tati.

LEAVE A REPLY

Please enter your comment!
Please enter your name here