Aadhani kohi yomimvo-18 otaya talele po Westphalia

0
231

Windhoek –Ospana yopashigwana yaadhani kohi yomimvo 18 oyili moNdowishi uulele wiiwike iyali okukadhana noospana dhomoshilongo shoka.Ospana ndjika otayi kala aayenda yehangano lyuudhano wetanga lyokoompadhi lyoshitopolwa shaWestphalia. Aadhanitanga mbaka oye na etegameno kutya otaya kiilonga oshindji naashika otashi keya kwatha opo ya vule okuninga aadhani aawanawa yospana yopashigwana yoBrave Warriors monakuyiwa.

Jandjamuje Maharero na Pandeni Kandjabanga oye li oshitopolwa shaamati yokohi yomimvo 18 mboka yeli moNdowishi taya dhana uule wiiwike iyali, na oya nyanyukilwa ompito ndjika yawo yotango okukalelap oshilongo shawo muudhano pondje yoshilogno.

Maharero okwa ti uudhano wopaigwana owe mu kwathela nawa mokudhana kwe oshoka ngashingeyi opena eyooloko momukalo ngoka ha longo netanga uuna eli muudhano.

“Manga ndali inaandi dhanena Namibia methigathano lyiilongo ine ndyoka lyali poShiwakop omumvogu, kandali pomuthika guudhano mpoka ndili nena. Ihe konima sho nda dhana naadhani yoko Ndowishi, South Africa oshowo mboka yoko Ghana methigathano ndyoka, ngame onda ka kala ndaana uumbanda wa sha uuna tandi dhana etanga.Itashi ka kala oshipu okudhana moNdowishi ihe mewiliko ewanawa lyomudheuli gwetu Turipamue Upi tse otwi inekela otatu ka longa shoka tatu popi noku ninga aadhani yokolela yospana yopashigwana yoBrave Warriors esiku limwe,” Maharero.

Moku endulula oohapu dha Maharero Kandjabanga ngoka woo a dhanene methigathano lyopoShiwakopo pethimbo lyOpaasa omumvogu okwa popi ngaashi ashike omudhani omukwawo ngoka.

“Osha li oshidhigu kutse ndele ngashingeyi tse otuna etegameno oku ka gwedhako kuunongo wetu wuudhano nokuninga aadhani aawanawa.Otwa tegelela omaudhano omanene nomadhigu ndele ngoka kutse otaga kala eilongo oshowo otage tu kwathele okutunga eithano lyetu lyuudhanitanga,” Kandjabanga.

Ospana ndjika oya dhana uudhano wayo wotango Omaandaha ngaka  nospana ya B yoshitopolwa sha Westphalia na oya tegelelwa yi ka dhane uudhano wayo uutiyali nospana yoshitopolwa sha Prussia Munster ndjoka hayi dhana moliha yopondondo ontintatu moshitopolwa shuudhanitanga moNdowishi uuudhano mbuka otawu dhanenwa pokapele ka Prussia Stadium.

Metiyali oshiwike tashiya aamatyona mbaka otaya ka dhana nospana ya Westphalia yomimvo dhili kohi yomu-17 pendiki lyuudhano lya Karmen Kaiserau Sport Centre naambuka otawu ka landulwa kuudhano mEtine pokati kayo nospana ya Westphalia Junior Select Team nokonima aaNamibia otaya ka ilongekidhila okugalukila kegumbo.

Ospana otayi kala hayi zi moSports Centre yaKarmen Kaiserau na otayi ka talelapo wo okapale ketanga kedhina Signal Induna Park, moka omo megumbo lyospana ya Ndowishi yedhina Borussia Dortmund. Otayi ka kala wo petyapulo lyomimvo omilongo 20 dhelongelokumwe muudhano wetanga lyokoompadhi pokati ka Namibia na Westphalia.

Aamati mboka yeli mospana oyo mbaka:  Uzuva Tjimune, Baloyi Tsandib, Collin Amukwaya, Pandeni Kandjabanga, Paulus Abel, McGyver Manchester United, Katiti Hakuria, Bonifatius Paulino, Petrus Kamati, Kennedy Eib, Giovanni Nauseb, Venovineya Tjikundi, Daniel Kamanya, Bradley Maclobo, George Hummel Junior, Brendon Kotongondo, Israel Shikongo na Jandjamuje Maharero.

 

LEAVE A REPLY

Please enter your comment!
Please enter your name here