Fishman nongalo Monica

0
355

WINDHOEK-Manga nokuli oyendji ta ya ti omuhikingalo Sasman Uulenga, a tseyika nawa nedhina Fishman okwa mwenapo noonkondo ngele tashiya mehangano lyoongalo, onkulungu oya nuka ko nale nokuli nongalo yimwe yo Afro Pop tayi ithanwa Monica.

Fishman okwa holola kutya ongalo ndjika okwe yi pititha ongehwahwameko lyoalubuma ye ndjoka tayi kapita mbala komeho.

Ongalo Monika otayi popi kombinga yohole, notayi tanga okakadhona kedhina Monica, hoka Fishman ta imbi tati omukadhona gumwe ngoka a kwatako omutima gwe aguhe.

Mongalo muka Fishman ota kwathelwa ku M-Jay, ngoka ena ewi tali hokiwa kaapulakeni. Shika otashi ulike nokuli kutya ethimbo alihe ndyoka Fishman a mwenapo ota longekidha ashike oongalo dhomulyo omwaanawa.

Fishman omuhikingalo ngoka akala mehangano lyoongalo oomvula dha adha puheyali, nokwali a tseyika tango nongalo ye  Memory, ndjoka ali a kwathelwa komuimbi omuZambia gwedhina Shayman Shaizo.

Fishman okwali apititha oyalubuma ye yotango mo2011, yedhina 24 Carat, ali ta kwathelwa kuukadhona mboka wali wedhina lyo Gal-Level, Freeda naOteya. Okuza tuu ethimbo ndyoka, Fishman ota pula komeho, naaholi yoongalo dhe onkene taya indjipala konyala kehe esiku.

Ongalo ndjika Monica okwa ti okweyi nunina aayambidhidhi ye, aaholi yoongalo dhe mboka yakala yategelela okuuva kuye uule wethimbo.

LEAVE A REPLY

Please enter your comment!
Please enter your name here