Kristof ta indile oshiwana shikale noku landa oilongomwa yomoshilongo!

0
344

Lüderitz- Maria Kristof mwene wongeshefa yedina N & M Design Boutique ili modoolopaya Lüderitz moshitopolwa sha //Kharas, ota tumbula kutya ongeshefa ya ye yokuhondja oidjalomwa ota i ende nawa, ashike okwa twalelwa keshongo linene shaashi oiyata ohai di unene kokule.

Kristof, okwa Tameka ongeshefa yokuhondja okuhovela modula 2002, konima eshi amana omadeulo aye okuhondja moshiputudilo shoku deula ovanhu okuhondjasha Rossing Foundation mOndangwa, omo a deulwa oule weehani dili hamano modula 2001.

Modula oyo 2002 okwa hovela ashike ha hondjele peumbo mOndangwa noku ka landifa oihondjomwa yaye momapandavanda. Modula 2003 okwa ka mona onhele imwe po mOndangwa opo akala haka landifa oihondjomwa yaye, ashike okwa kala noku tewapo kelelo lodoolopa omafimbo amwe.

Modula 2005, Kristof okwa mona onhele yokulandifila poWaterfront mo Lüderitz omo eli ta hondjo noku landifila fiyo onena.

Kombinga yongeshefa Kristof ota tumbula kutya efimbo eya modoolopaya Lüderitz ongeshefa oya li tai ende nawa neenghono shaashi ovahondji kavali nana vahapu modoolopa , shimwe vali ponhele opo ha landilifile ondado yokufuta onhele oyali pedu , ashike paife oya londa, osho Kristof a tumbula kutya oshili eshongo linene shaashi oiyata oyo ha hondjo ohei lande ashike keengeshefa odo dili koumbangalanhu woshilongo, moshitopolwa sha //Karas kamuna nana eefitola doku landifa oiyata, onghene ohashi mu pula shihapu okutuma oiyata .

Mongeshefa yaye okwa kuta ovanailonga veli vatatu ,vavali otava longele modoolopa ya Lüderitz omanga umwe ta longele kOndangwa,oo ena oshinakuwanifwa shoku hondja noku landa oiyata oyo ta i pumbiwa noku ituma ko Lüderitz omafimbonomafimbo.

Mongeshefa ei yo N & M Design Boutique ohava hondjo oikutu yomaludi aeshe mwakwatelwa eedede dovafuko, ,eembulukweva dovalumenhune embaikifa osho oikutu yopamifyuululwakalo , oikutu yoshinanena , oikutu yomakoleko no mashashonoshotuu.

Kristof okuna etumwalaka la yuka kwaavo veli mongeshefa oshoyo kwaavo vena ehalo nomadilaadilo okuetapo ongeshefa kutya,eshiivo olo unapo, noshoyo o kamaliwa okounapo,oko ashike todulu okuhovelifa nako ongeshefa, yo ongeshefa ta i ende ta i kulu nounongo ootolongifa na oongeshefa otau ende tau kulu yoo.

Kwaava veli nale mongeshefa oteva tu omukumo opo va yambulepo eengeshefa davo okupitilamo SME Bank noshoyomouministeli oo unasha noipindi neyambulepo lovanangeshefa vanininovopokati,opo va dule okungushupaleka oilongomwa oyo tava nduluka meengeshefa davo.

Kristof okuna yoo etumwalaka la yukilila oshiwana oposhi kale noku yambidida oilongomwa yomoshilongo ndele vaha kale ashike no ku yambidida oilongomwa yokondje yoshilongo. “ Moku yambidida oilongomwa yomoshilongo otashi ngushupaleke oilongomwa , unene tuu oidjalomwa, na otashi etele ovahondji omukumo mokunduluka oidjalomwa oyo tai endele pamwe nefimbo”.Kristofosho a yelifa.

LEAVE A REPLY

Please enter your comment!
Please enter your name here